IBRANI 1:12 - Alkitab Singog In Mongondow Masa In Tanaa

¹² Dunia naa in kopíon-Mubí naonda bo ḷambung, bo baḷuian-Mubí in ibanea mako. Táe Iko in diábí mobaḷu-baḷui, bo mononoibí in kobiagan-Mu.”

IBRANI 1:12 Iomraidhean Croise

AYUB 36:26

Ki Allah in totuu moḷantud, diábí kotaauan in raian-Nea andeka mogiap kon kobayong in taong-Nea.

MAZMUR 90:4

Kon ini-Mu toribu notaong in naonda bo tosinggai, singgai koḷabung inta ain noitaḻib; naonda bo tongooras kon poyoḻimbanan moḷukad kon dodai in doḷom.

IḶUAIAN 3:14

Guman i Allah, “Akuoi in AKUOIBÍ INTA OYÚON. Naa in musti singogonmu kon bangusa Israel, Sia inta sinangoi AKUOI INTA OYÚON, ain nopotabá kon inakó namangoi kon i monimu.

YESAYA 38:12

Nyawaku nobontow, nodapotdon in wakutuku, ná ḷoḷaigan in gombala inta kinokai; ná didit pinongkó nongkon pakakat gogaboḷan; kon inakó kamai simpodandon i Allah in kobiaganku.

YOHANES 8:58

Ki Yesus in notubag, “Poguman-Kudon kon i monimu, Wakutu in ki Abraham diápa noilahir, Akuoi naa in koyongan bidon oyúon.”

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

YAKOBUS 1:17

Pomuḷoi in oogoi inta mopia bo tombuinag inta mosompurna, namangoibí intua nongkon soroga, pinopoponag i Allah inta nomia kon bayongan inta nobayag kon ḷangit. Sia tua in ki Allah inta diá kon dodai in onda mobaḷui bo diábí doman mokopopisí in mogaid kon inta mosindip.