HOSEA 9:6 - Alkitab Singog In Mongondow Masa In Tanaa

⁶ Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.

HOSEA 9:6 Iomraidhean Croise

DATU MITA 2 13:7

Tontara mita in Israel aindon iyopú i datu in Siria dá ki Datu Yoahas in dongkadon kotontara 50 inta tumotakoi kon kabaḷo, 10 in kereta in parang, bo 10.000 in tontara.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

AMSAL 24:31

Inta inontongku kon tua in tongábí dugi bo padang. Tondok bo dindingnea in noumpag domandon.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

YESAYA 19:13

Itoi mita in Zoan bo Mempis in intaubí mita inta dondunguḷ. Mosia in deemanbí mobaḻí itoi, táe mopoḷaḻebí kon bangusanea.

YESAYA 27:12

Kon dodai intua ki Tuhan in mosipun kon bangusa-Nea kon batúannea nongkon Ongkag in Eprat nodapot kon pinosigadan in Mesir. Sia in mopotondíbí kon i monia naonda bo intau inta mopotondí kon batoḷ in gandum nongkon kepanea.

YESAYA 32:13

sin butá in bangusaku kinobiagan in mainggoa bo bonganga. Oo, ombaḷaidon in baḷoimu mita tampat pobobarasanangan in intau bo kotá inta nopuḻing in rame!

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

YESAYA 5:6

Pomayá-Kubí mako in sia in kobiagan in bonok. Pangkoi in anggurnea diábí rapadan-Ku, bo diábí tuyangan-Ku. Modapotbí in pomayá-Ku mako kokoḷoban in mainggoa bo bonok, nodapot in goḷom mita diá ogoi-Ku mopoḷabú in uyan kon tudunea.”

YESAYA 7:23

Kon tungkuḷ intua gobá mita in anggur inta kon batúannea pinomuḷaan kon pangkoi in anggur toribu bo inta boḻinea in toribu in doit saḷaka, in kobiagan in bo bonganga.

YEREMIA 2:16

Ei Israel, buokmu in ginonsingan in intau in Mempis bo Tahpanhes.

YEREMIA 42:22

Tuamai, toropdon: kon butá inta koibog monimu bayáan sin mogutun kon tua, yo matoibí in moiko kon parang, andeka matoi in gogoy andeka matoi in yampoi in takit.”

YEREMIA 44:1

Ki Tuhan in nosingog kon inakó soaḷ bayongan in intau in Israel inta nogutun kon Mesir, inta kon kotá in Migdol, Tahpanhes, Mempis, bo kon butá kon dotá in toḷatan.

YEREMIA 44:12

Bo aka intau in Yohuda inta ki agatnea oyúon in tantú moibog mayá in Mesir sin mogutun kon tua, yo moyopúbí komintan in mosia. Mosia komintan, moḷoben mointok, in matoibí kon Mesir kon bonu in parang andeka popisí in gogoy. Intau in mokoningkimbí in mokoontong kon i monia bo moningkuḻe kon i monia. Tangoi monia in pakéonbí saḷaku kutukan.

YEREMIA 44:13

Ná pinohohukum-Ku kon Yerusalem, yo natua doman in pohohukum-Ku kon i monia inta nogutun kon Mesir. Mosia in matoibí kon bonu in parang, popisí in gogoy andeka yampoi in takit.

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!

YEREMIA 46:19

Posadiadon, intau in Mesir, sin dakopon bo diaan mayá! Mempis in mobaḻídon apugnea – tampat inta moingongow popisí in diádon inutunan.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

YEHEZKIEL 30:16

bo kotá tatua in mororiga bidon totok. Totuu, turubon-Kubí in Mesir. Dinding mita in kotá in Tebe in moumpagbí bo kotá tatua in untagonbí in ḷunud.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

HOSEA 11:11

Nongkon Mesir mosia in mamangoi ná koḻikat in ḷagapan, bo nongkon Asyur naonda bo paanan in paḷoma. Bo mosia in diaan-Ku mobui kon baḷoi monia. Akuoi ki Tuhan ain nosingog.”

HOSEA 2:6

Tuamai kurungon-Ku in sia kon ruak in bo bonganga, bo moḷamboi kon daḷannea takin tondokon in dinding.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!

HOSEA 7:13

Mobodito in mosia, sin mosia in nonaḷámaidon kon i-Nakó. Mosia in morimumudbí sin nomaḷawangdon kon i-Nakó. Akuoi in moibogbí moposaḷamat kon i monia, táe ibada monia kon i-Nakó in tongábí ubo-uboḷ ibada.

HOSEA 7:16

Mosia in umuran bidon dumudui kon dewa mita inta beresibí diá in kawasa onu bo onu. Mosia in diábí motaau pongata naonda bo piot inta nopupud. Itoi mita monia in dumodia in mosingog, tuamai in ḻimodonbí in mosia in kedang, bo kosingan in intau mita in Mesir.”

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

ZEPANYA 1:11

Pogamui bo pongombaḷdon kon dodai in moiko mokodongog kon tua, ei intau inta nogutun kon kotá kon dotá in ḻimonag, sin bayongan in mopopotaḷui bo intau mita inta nopoḷuan in doit in minatoidon kinoḻimodan!

SAMUEL 1 13:6

Onda intua mosia in nonubudon totok kon intau in Israel, nodapot intau in Israel totokdon in moigupit. Tongonumai in intau mita in Israel nogadopdon kon bonu in angob bo kon bubú mita in buḷud andeka tumuot kon sigad mita in batu karang, andeka kon bonu in parigí bo bubú in butá,