HOSEA 9:4 - Alkitab Singog In Mongondow Masa In Tanaa

⁴ Kon butá mita tatua moiko in diá bidon mokoposumba in anggur bo kuruban biag sin mokoposanang kon gina i Tuhan. Kokaanonmu in mokopopisí kon intau inta mokaan kon tua in monajis, naonda bo kaanon inta kinaan kon upacara poḷobongan. Kaanon tatua in baragunanea in tongábí mokobotug kon sianmu; topiḻikmai yo diábí diaan kon Baḷoi Tuhan sin posumba kon tua.

HOSEA 9:4 Iomraidhean Croise

IḶUAIAN 29:40

Poyotakinon ki adí in domba inta posumba doḷo-doḷom, musti doman posumba in topong torigu tokilo inta totok in nopira baukan in ḷana zaitun totokea toliter. Koḻikud intua toliter doman tubig in anggur.

IḶUAIAN 40:23

bo kon tudu in meja tatua inukatdon in roti sosumba, notongkai ná inta pinarenta i Tuhan kon i nia.

YESAYA 57:6

Dá patusbí in moiko mosipun kon batu mita moḷamag nongkon tua. Tuata in silaimu! Kon batu mita tatua doman moiko mopoburé in anggur bo moposumba in gandum. Kainimu kamai mopiabí in gina-Ku kon tua mita?

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

YEREMIA 16:7

Diábí doman in moibog mogaid kon ponusaan sin moḻipoi kon intau inta nonogumatoi. Diábí in dinumudui nonogumatoi nodapotbí kon intau inta kinopatoian i amá andeka i inánea.

YEREMIA 6:20

Onubí in mangaḻenea in kamania inta dinia monia kon i-Nakó nongkon Syeba, andeka toyokayu nongkon butá moyayú? Doíbí in Akuoi in motarima kon sosumba monia. Doíbí in Akuoi kon kuruban mita payongon monia.

YEHEZKIEL 24:17

Dika modapot in ina-inakmu in kodongogan. Dikabí mayá takin diá mogikoḷubung, andeka diá mogi aip in sioḷ, saḷaku intau inta nonogumatoi. Dika doman oḻingoian in pogotmu, bo dika mokaan kon kaanon in mobobaḷu.”

YEHEZKIEL 24:22

Bo moiko in momia kon ná inta inaidanku tanaa. Moiko in diábí mogoḻingoi kon pogotmu andeka mokaan kon kaanon in mobobaḷu.

DANIEL 1:8

Pinodoyon kon totuḷung i Allah, ki Daniel in kinoibog bo kinotabi i Aspenas. Ki Daniel in nonantúdon kon doíbí moponajis in awaknea takin mokaan bo monginum kon anggur nongkon komaḻig in datu, tuamai in nopoigum in sia kon i Aspenas sinbá ogoiandon in kaanon ibanea.

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

HOSEA 7:16

Mosia in umuran bidon dumudui kon dewa mita inta beresibí diá in kawasa onu bo onu. Mosia in diábí motaau pongata naonda bo piot inta nopupud. Itoi mita monia in dumodia in mosingog, tuamai in ḻimodonbí in mosia in kedang, bo kosingan in intau mita in Mesir.”

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

YOËL 1:13

Ei imang mita inta nogundoi kon mezbah, pakédon in kaeng karong, bo pongombaḷdon. Tuotdon kon bonu in Baḷoi Tuhan sin mogamui kinoouput in doḷom, sin diádon in kuruban anggur bo gandum kon i Allahmu.

YOËL 1:9

Gandum bo anggur in diádon nongkon Baḷoi i Tuhan. Dá ponogumatoidon imang mita, inta motoḷutui in mogundoi kon i Tuhan.

YOËL 2:14

Dika-dika ki Tuhan Allahmu mobaḷui in gina, bo mobogoi in barakat mobayong totok kon i monimu. Dá moiko in motaau moposumba in kuruban anggur bo gandum kon i Tuhan Allahmu.

IMAMAT 17:11

Nyawa in bayongan mahaḷuk komintanbí kon bonu in dugúnea. Tuamai ki Tuhan nomarenta sinbá bayongan dugú popobutak kon tudu in mezbah sinbá dosa mita in umat popatandon. Dugú inta nyawa tatua, momopat kon dosa.

IMAMAT 21:17

mopotaau in naa kon i Harun, “Intau tobatú buímu inta awaknea nobogit diábí motaau in moposumba in kuruban kaanon kon i-Nakó. Tua in musti umuran pakéon modapot kon adí bo ompu.

IMAMAT 21:21

Bayongan buí i Imang Harun inta nobogit in awaknea diábí motaau moposumba in kuruban kaanon kon i-Nakó.

IMAMAT 21:6

Sia in kapunyaan-Ku inta ain sinantú-Ku bo diábí motaau in sia moporaatmai kon tangoi-Ku. Sia in moposumba in kuruban kaanon kon i-Nakó, dá sia in mustibí motusi.

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

AMOS 5:22

Aka moiko modia kon kuruban payongon bo kuruban gandum, diábí tarimaan-Ku. Akuoi in doíbí motarima kon bobiagonmu mita inta nongoḷomumu tua inta pinosumbamu kon i-Nakó saḷaku kuruban dodamean.

MALEAKHI 2:13

Bo naa in aidmu inta ibanea. Mezbah i Tuhan in pinuḻingandon monimu in ḷuá; moiko in nongombaḷ bo mogamui sin ki Tuhan in doídon kon kurubanmu mita.

PINOGIAPAN 19:11

Intau inta noiḻiai kon mayat mobaḻí monajis kon bonu in pitu nosinggai.

PINOGIAPAN 28:2

mopotaau kon bangusa Israel kon mosia in mustibí, monarukira totok sinbá kon wakutu mita inta ain sinantú, moposumba in kuruban mita inta ná kaanon inta mokosanang kon gina i Tuhan.

PINOGIAPAN 4:7

Mosia in musti mopoaip in kaeng nobidu tobatú kon meja pogogukatan kon roti inta oḷudon kon i Tuhan, bo kon tudu in meja tatua musti ukatan doman monia in pindan moḷoben, baki tampat in dupa, baki tampat in sosumba, bo kendi inta pobonuan kon tubig in anggur inta posumba. Roti oḷudon musti umuran oyúon kon meja tatua.

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

ULANGAN 26:14

Nongkon sosumba tatua diá topiḻikmai in kinaanku kon dodai in akuoi nonogumatoi ande diniaku iḻumuai in baḷoi kon dodai in akuoi nonajispa, ande inogoiku nobaḻí sosumba kon intau minatoi. Akuoi aindon notoindudui, o Tuhan; bayongan inta pinarenta-Mu inaidankudon.