HOSEA 9:2 - Alkitab Singog In Mongondow Masa In Tanaa

² Táe diádon moonggot moiko in kodaitandon in gandum bo ḷana in zaitun, bo anggur in modait domandon.

HOSEA 9:2 Iomraidhean Croise

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

HOSEA 2:11

Bayongan in bobutungannea in pogogaion-Kubí, pinomayá bobutungan taongan andeka bobutungan buḷanan bo singgai mita in Sabat; impoḷok mako in singog, bayongan in bobutungan in agamanea.

HOSEA 2:12

Daiton-Kubí yompaton in pangkoi mita in anggur bo pangkoi mita in ara inta podudui kon inia nobaḻí tondan in pinobatuangannea kon intau mita inta nosiug takinnea. Baḷuian-Kubí in gobá mita in anggur bo gobá mita in aranea mobaḻí kayuon; mahaḷuk mita ḻindong in nomoguyaatbí kon tua.

HOSEA 2:9

Tuamai, kon wakutu pobatunan kon boyó bui-Kubí gamáan in onu inta inogoi-Ku, inta gandum bo anggur, bo wol bo kaeng in linen inta inogoi-Ku kon inia sin pomiaan ḷambungnea.

AMOS 5:11

Moiko in mondorot kon intau bogá bo gandumnea in agowon monimu. Tuamai in moiko in diábí mogutun kon bonu in baḷoimu mita inta totok in mopia, inta ain pinosindog monimu tatua. Moiko in diábí monginum kon anggur mita nongkon gobá mita in anggur inta pinomuḷa monimu.

HAGAI 1:9

Moiko in mongamang mako kon bungai in boyó mobayong totok, táe nouḻí magí in tongábí topiḻik; bo dinia monimu kon baḷoi, táe bungai in boyómu tatua in inirup-Ku, dá nodait dinia in tompot. Nongonu sin inaidan-Ku intua? Tubagnea in nanaa: Popisí in Baḷoi-Ku umuranpa noton apug mako, bo moiko komintan in moḷongasidon moposindog in baḷoinea-baḷoinea.

HAGAI 2:16

Moiko in minayádon noindoi kon bonturungan in gandum bo kai monimu kamai dá mokouḻíbí kon 200 nokilo in gandum, táe noniata magí tongábí 100 nokilo. Moiko in minayá sin monayuk kon 100 noliter in anggur kon tong in anggur, táe tongábí 40 noliter in oyúon.