HOSEA 9:11 - Alkitab Singog In Mongondow Masa In Tanaa

¹¹ Tangoi moḷoben in Israel in ḷumayugbí moibuni naonda bo ḷagapan; diá bidon in monogusian, bo diábí in adí mita in pononggadí.

HOSEA 9:11 Iomraidhean Croise

KINOBAḺIAN 41:52

Sia in noguman doman, “Ki Allah ain nobogoi kon inakó in adí kon bonu in rorigaku,” bo sinangoianneadon ki adínea induanea tua ki “Epraim”.

KINOBAḺIAN 49:22

Ki Yusup naonda bo keledai inta batánea, keledai kaḻig kon diug in bokaká, noribatuk kon aḻet in buḷud.

SAMUEL 2 6:23

Ki Mikhal, adí bobay i Saul tatua in diábí nokouḻí kon adí kinoouputbí in kinobiagannea.

AYUB 18:5

Togá in intau moraat in notantú bidon kon piongon; tuḷúnea in diá bidon poyongki-yongkiton bui.

MAZMUR 58:8

Biódon mako in mosia moinggamá naonda bo tubig inta gumabut, naonda bo piot inta ain notutut.

MOHOHUTUBA 6:3

Umpaka intau tobatú kogadí kon adí mogatut bo moonggot in kinobiagannea nodapot in mogoguyang, táe aka sia bo diá mokorasa kon sanang in gina bo diá doman nokouḻí kon poḷobongan inta patus kon inia, dá podudui in raianku, adíbí mointok inta minatoi pinononggadí monag in mopia-pia in ukurnea nongkon intau tatua.

YESAYA 17:3

Israel in kobuḻiandon in moḷoḷukadnea bo Damsyik kobuḻian in kinomerdekaannea. Intau in Siria inta ki agatnea in mobiag kon bonu in kaadaan mokooyá naonda bo intau in Israel. Akuoi, ki Tuhan Inta Totok in mokawasa, ain noguman.”

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

HOSEA 4:7

Kodugang-kodugang in moiko, kodugang-kodugang doman in dosa monimu kon i-Nakó, ei imang mita! Tuamai in kaadaan monimu in baḷuian-Ku: Moiko in diá bidon horomaton, táe singkuḻeon bidon.

HOSEA 5:9

Israel in moyopúbí, sin noiangoidon in wakutunea mohukum kon inia. Indongogai, ei rayat in Israel, tua in notantúbí kon mobaḻí.

HOSEA 9:14

Onu degá in musti igumonku kon ini-Mu kon intau mita tatua? Baḻídon in bobay mita monia mobantó! Baḻídon in mosia diá mokopoteté kon i adí monia!

AMOS 1:13

Ki Tuhan in noguman, “Bangusa in Amon in nopobui-buimaidon binaradosa, tuamai in notantú bidon kon hukumon-Ku in mosia. Kon tungkuḷ in noparang sin moginoḷad kon butánea, mosia in nomotak kon sian in bobay mita sidia kon Gilead.

LUKAS 23:29

Sin moiangoibí in wakutunea intau in mosingog nanaa, ‘Totuu kon mopia totok in bobay mita inta diá dodai onda in nononggadí bo inta diá doman dodai onda in nopoteté!’

ULANGAN 28:18

Kinutuk in moiko, dá tongádon topiḻik in adímu, bungai in boyómu, takin sapi bo bembé dombamu.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”