HOSEA 8:8 - Alkitab Singog In Mongondow Masa In Tanaa

⁸ Naonda bo kuyon inta noḷosi, natuata in Israel diádon in mangaḻenea, bo nobaḻídon bangusa inta biasa ná bangusa mita ibanea.

HOSEA 8:8 Iomraidhean Croise

DATU MITA 2 18:11

Onda intua datu in Asyur nodia kon intau mita in Israel nobaḻí intau mita inta sinokodakop kon parang bo pinobayá in Asyur; tongosilai kon i monia tua in pinopoutun kon kotá in Halah, tongosilai in kon diug in Ongkag in Habor kon butá in Gozan, bo tongosilai doman in kon kotá mita in butá in Madai.

YESAYA 30:14

Moiko in morimumudon naonda bo kuyon butá inta morumog posirarit, dá kon sigad in rimumudannea diádon in motaau pakéon pogamá kon baga nongkon doḷuong andeka ponayuk kon tubig nongkon bonu in bak.”

YEREMIA 22:28

Akuoi ki Yeremia in noguman, “Degá ki Datu Yoyakhin in nobaḻídon naonda bo kuyon noḷosi inta iḷumbú bo kinodoídon? Tua degá in mangaḻenea kon sia bo ki adínea mita in untunon bo ḷumbúon kon butá inta diá kinotaauan monia?”

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEREMIA 48:38

Kon tudu mita in atop in baḷoi bo kon rawang mita tongádon kodongogan in ombaḷ. Sin Moab ain iḷosi-Ku naonda bo tampayang inta kinodoí.

YEREMIA 50:17

Ki Tuhan in noguman, “Intau in Israel in naonda bo paanan in domba inta inaḷowan bo pinorarit in singa. Dungkuḷ totok mosia in sinubu i datu in Asyur, bodongka ki Nebukadnezar datu in Babel nonotop kon tuḷan mita monia.

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

OMBAḶ 2:16

Bayongan in musungmu moindoi kon pogotmu takin rongut, kosingan monia in iko bo monginggoi. Mosia in moguman, “Kotá tatua in iyompatdon nami! Imbuitnea noidapot domandon in wakutu inta inoḷa-oḷat mako nami!”

OMBAḶ 2:2

Bayongan in rawang in bonok kon butá in Yohuda, irimumud-Nea takin diá in tabi. Kon bonu in torú-Nea dinangatan-Nea nodapot in noumpag in dinding mita inta nogoḻingoi kon butá tatua. Dodatuan tatua takin itoinea mita iḷabú-Nea nodapot in mokooyádon.

OMBAḶ 2:5

Ki Tuhan nobaḻí naonda bo musung; binoutnea in Israel nodapot in norumbun. Irimumud-Nea in dinding mita takin komaḻig, bo nodugang kon ajar in gina kon intau in Yohuda.

OMBAḶ 4:2

Dungkuḷmai ede mita in tayowmobiag in Kotá in Sion naonda bo buḷawan inta koboḻi, táe tanaa in pinomiadon mako naonda bo kuyon butá.

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

ULANGAN 28:64

Ki Tuhan in moporangkapbí kon i monimu kon sigad in bangusa mita kon bayongan dunia naa. Kon tua moiko in mosumba kon ilah mita inta pinomia nongkon kayu bo batu, ilah mita inta diá kinotaauan monimu bo diá doman kinotaauan in mogoguyangmu.