HOSEA 8:6 - Alkitab Singog In Mongondow Masa In Tanaa

⁶ Sapi buḷawan inta sinumba kon Samaria tatua in miabí in ḻima in intau in Israel! Tua in deemanbí Allah, bo mustibí rimumudon!

HOSEA 8:6 Iomraidhean Croise

DATU MITA 2 23:15

Sia in nomoguyaat doman kon tampat pososumbaan kon Betel inta pinosindog i Datu Yerobeam adí i Nebat – datu inta ain nokopopisí kon intau in Israel nogaid kon dosa. Bo ki Yosia in noḷosi kon mezbah kon tampat pososumbaan tatua, bo sinubánea takin patong i Dewi Asyera inta kon tua.

DATU MITA 2 23:19

Kon batúan in kotá kon Israel, ki Datu Yosia in nogumpag kon bayongan in tampat pososumbaan kon dewa inta pinosindog in datu mita in Israel, bo inta ain nokopopisí kon ki Tuhan sinumorú. Onu inta ain inaidan i Datu Yosia kon Betel, tua in inaidannea doman kon mezbah mita kon bayongan in Israel.

TAWARIKH 2 13:8

Tanaa in kai monimu kamai mokoḷawangbí kon kawasa inta inogoi i Tuhan kon buí i Daud, popisí in mobarong totok in tontaramu bo oyúon in sapi buḷawan kon i monimu inta binaḻí i Yerobeam dewamu.

TAWARIKH 2 31:1

Naonda in nopaḷut in pinorayaan, bayongan in rayat minayá kon batúan in kotá kon Yohuda, bo norimumud kon tugu mita in berhala, nogumpag kon patong mita inta pinosindog kon i Dewi Asyera, bo norumbun kon mezbah mita takin tampat mita pososumbaan kon berhala. Mosia in nogaid doman kon natua kon tampat mita ibanea kon Yohuda, bo kon butá in Benyamin, Epraim bo Manasye. Nopaḷut mako kon tua mosia in nobuidon kon tampat monia tontaní.

YEREMIA 10:14

Nokoontong kon tua komintan nosadardon in intau, kon sia tua in bodok bo diá kopomomangaḻe. Intau mita mononontaḷ kon buḷawan nooyádon, sin patong berhala inta pinomianea tua in uboḷbí bo diá konyawa.

YEREMIA 48:13

Moab in mokudaibí kon Kamos, dewa monia, naonda bo intau in Israel nokudai in gina monia kon Betel inta pinongata monia tua.

YEREMIA 50:2

“Posindogdon in tomponuot bo potaaudon kon bangusa mita kon Babel in ain noḷabú! Dika bunion in tua! Ki Merodakh dewanea in ain irimumud, bo patongnea mita inta mokotor in nobotak noirarit, takin doman berhalanea mita in totokbí in siningkuḻe.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

HOSEA 13:2

Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

MIKHA 1:7

Patongnea mita inta mongomahaḷ in rimumudon, bo bayongan in pakakat inta ogoi kon bobay mita inta mopobayá in oaidannea kon kuil in tubáan, takin bayongan in berhalanea in yompaton. Tua mita in nouḻí monia kon pinoibadaannea kon i dewa in koḷumbaan. Tanaa bayongan intua akutondon in musungnea mita sin posumbadon mobaḻí sukur kon dewa mita monia.”

HABAKUK 2:18

Kinutukdon in iko! Iko in noguman kon kayu topongkó, “Pobangondon!” andeka kon batu moḷoben tobatú, “Sindogdon!” Degá patong tobatú motaau moguman kon inimu? Umpakabí patong tatua inoḻitan in buḷawan andeka saḷaka, táe diábí in nyawa kon inia. Onubí in mangaḻenea in patong berhala? Tua in tongábí mia in intau. Inta mouḻímu kon inia in tongábí komintan uboḷ. Diábí in mangaḻe in pirisaya in mogogaid kon berhala kon onu inta pinomianea tatua, inta diá motaau mosingog tua.

OUMAN IN RASUL MITA 17:29

Dá lantaran kita bo ki adíbí mita i Allah, dá diábí motaau anggapon naton kon ki Allah tua in ná bí onda bo patong inta inaidan nongkon buḷawan andeka inaidan nongkon saḷaka andeka ná batu inta inaidan pinodudui in kopopandoi intau.

OUMAN IN RASUL MITA 19:26

Bo tanaa aindon inontong bo dinongog monimu tontaní onu in inaidan i Paulus. Sia in noguman kon dewa mita inta pinomia intau in deemanbí totu-totuu dewa. Bo nobayongdon totok intau in nopirisaya kon onu in pinogumannea tatua, deeman tongá kon Epesus naa, táe gogiódon bo komintan in Asia naa.