HOSEA 7:8 - Alkitab Singog In Mongondow Masa In Tanaa

⁸ Ki Tuhan in noguman, “Bangusa in Israel noyopakat in bangusa mita kon ḻibumai monia, dá mosia in nobaḻí naonda bo roti inta noḷutú kon toḷosi.

HOSEA 7:8 Iomraidhean Croise

DATU MITA IMITÁNEA 18:21

Bo ki Elia in dinimiug kon rayat tatua bo noguman, “Dapotpa in toonu in moiko umuran motoḻindua in gina? Aka ki Tuhan tua in Allah, yo sumbadon in ki Tuhan! Aka Baal tatua in Allah, yo sumbadon in Baal!” Rayat inta noyosipun kon tua in tongádon kibio-biómai.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

EZRA 9:12

Nabi mita tatua in nogimaḷow kon inami sinbá diá motonibuḷoi in intau mita tatua, andeka mobantung kon i monia sinbá mobiag mooyúon bo motompia. Aka kami in motoindudui, kami in mobaḻídon moropot bo mokaandon kon bungai in pinomuḷa kon butá tatua bo mobogoi kon buí nami modapot in mononoi.

MAZMUR 106:35

Nodapotbí in mosia inumauk kon bangusa mita tatua, bo dinumayan kon gogutú in intau mita inta diá nonotaau kon i Allah.

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.

HOSEA 5:7

Mosia in diá motoindudui kon i Tuhan; ki adí mita monia in deemanbí ki adínea. Tuamai, diádon moonggot in mosia bo yopúon poyotakinon in gobá mita monia.

HOSEA 7:9

Mosia in diábí nonotaau kon popisíbí in yopakat takin bangusa mita tatuata, dá noinggamádon in ropot monia. Imbuit in ouman monia in nodiugdon, táe diábí kinotaauan monia.

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

ZEPANYA 1:5

Daiton-Kubí kaitan in ki inekabí in moponik kon atop sin mosumba kon mata in singgai, buḷan bo tundi mita. Yompaton-Kubí doman mosia inta nosumba kon i-Nakó bo inta nongibot motoindudui kon i-Nakó, táe nongibot doman pinodoyon kon tangoi i Dewa Milkom.

MALEAKHI 2:11

Umat in Yohuda ain iḻimimpat kon dodandian i Allah takin i monia bo nogaidon kon inta mokokoningkim kon Yerusalem bo sinangkub in butá. Mosia in nongotordon kon Baḷoi i Tuhan inta kinotabinea bo notonibuḷoi in bobay mita inta nosumba kon dewa mita in bangusa ibanea.

MATIUS 6:24

“Diábí in tobatúmai intau in motaau monontuang kon doyowa. Sin aka natua, yo tongábí tobatú in kotabinea, yo tobatú in diábí kotabinea, andeka tongábí tobatú in duduiannea, yo tobatú in diábí. Moiko in diábí motaau mobantung kon i Allah bo kon kapunyaanmu.