HOSEA 7:7 - Alkitab Singog In Mongondow Masa In Tanaa

⁷ Kon bonu in torúnea, mosia in noḻimod kon itoi mita monia. Bayongan in datu monia ain iḻimod noyo-noyodudui. Táe umpaka kaadaan nádomai tua in koraatnea, yo diábí doman tobatúmai in nosambayang kon i-Nakó sin mokituḷung.”

HOSEA 7:7 Iomraidhean Croise

DATU MITA IMITÁNEA 15:28

Tua in nobaḻí kon taong nogintoḷu kon pinomarentaan i Datu Asa kon Yohuda. Natuata in ki Baesa in nobaḻí datu in Israel nomaḷui kon i Nadab.

DATU MITA IMITÁNEA 16:18

Kon tungkuḷ in inontong i Zimri kon kotá tatua inagowdon, sinumuot in komaḻig tatua in sia bo sinumurub takin in komaḻig tatua in sia, dá minatoi in sia.

DATU MITA IMITÁNEA 16:22

Imbuitnea kon tua mosia inta moibog kon i Omri in nountung. Ki Tibni in minatoi bo ki Omri in nobaḻí datu.

DATU MITA 2 10:14

“Domok in mosia kobia-biag!” parenta i Yehu kon intaunea mita. Dá dinomokdon in intau mita tatua, bo iḻimod kon diug in parigí inta noingkag, kobayong monia tua in opat nopuḷú bo doyowa. Diábí tobatúmai in binió mako nobiag.

DATU MITA 2 10:7

Naonda in notarima kon surat i Yehu, guhanga mita in ḻipú in kotá in Samaria tatua noḻimod kon i adí bo ompu i Ahab inta pitu nopuḷú tatua bo uḷu mita monia in binonu kon karansi bo pinoki dia kon i Yehu inta kon Yizreel.

DATU MITA 2 15:10

Ki Salum ki adí i Yabesh, noyopopog moḷawang kon i Datu Zakharia, bo noḻimod kon inia kon Yibleam, bo nobaḻí datu nomaḷui kon inia.

DATU MITA 2 15:14

sin ki Menahem ki adí i Gadi in namangoi nongkon Tirza bo minayá in Samaria, bo noḻimod kon i Salum, bo nobaḻí datu nomaḷui kon inia.

DATU MITA 2 15:25

Tobatú kon sigad in porwiranea, inta ki Pekah adí i Remalya, noyopopog in intau ḻima nopuḷú inta nongkon Gilead. Bo kon bonu in benteng tobatú kon komaḻig in Samaria mosia in noḻimod kon i Pekhaya takin intau doyowa ibanea inta ki Argob bo ki Arye in tangoi monia. Onda intua ki Pekah in nobaḻí datu nomaḷui kon i Pekhaya.

DATU MITA 2 15:30

Kon taong indoyowa nopuḷú kon pinomarentaan i Datu Yotam adí i Uzia kon Yohuda, ki Hosea ki adí i Ela in noyopopog noḷawang kon i Datu Pekah bo noḻimod kon inia, bo nobaḻí datu nomaḷui kon inia.

DATU MITA 2 9:24

Ki Yehu irumopot totok in nomadang kon piotnea bo nopopiot kon ḻikud i Yoram bo noiḷambai kon putúnea. Noumpag in ki Yoram bo minatoi kon keretanea.

DATU MITA 2 9:33

Ki Yehu in noguman kon i monia, “Pogonagdon monag in sia!” Dá pinogonagdon monia in ki Izebel bo iḻigit in kereta in sia dá noitoputdon in dugúnea kon dinding bo kon kabaḷo mita in kereta tatua.

AYUB 36:13

Intau inta diá kotuhan motagú kon torú; umpaka ihukum i Tuhan, doíbí in mosia moigum kon totuḷung.

MAZMUR 14:4

Guman i Tuhan, “Diádon degá noratak in intau mita tatua? Mosia in nobiag takin nogagow kon umat-Ku bo diábí kon dodai in onda in noigum pinongin sambayang kon i-Nakó.”

YESAYA 43:22

Ki Tuhan in noguman, “Táe iko Israel, diá nosumba kon i-Nakó, bo diádon nogundoi kon i-Nakó.

YESAYA 64:4

Diápa kon dodai in onda oyúon in nokodongog, bo diápa doman kon dodai in onda oyúon in nokoontong kon koḻikud in Iko, oyúon in ilah inta nogaid kon onuka, kon intau inta noharap mako kon inia.

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YESAYA 9:13

Tuamai in tongá tosinggai in ki Tuhan in nohukum kon i itoi mita in Israel bo rayatnea. Pinongkó bo iḷumbú-Nea in uḷu bo iputnea.

YEHEZKIEL 22:30

Kon sigad in intau in Israel tua, tayakon-Ku in intau inta mokoposindog in dinding, andeka simindog kon tampat mita inta dindingnea ain noumpag sin moḷukad kon butá tatua aka Akuoi morimumudon kon tua popisí in torú-Ku; táe diá tobatúmai in intau in nouḻí-Ku.

DANIEL 9:13

Bayongan in bodito inta pinais kon Hukum i Musa ain pinoumá-Mu kon inami. Táe umpaka natua, o Tuhan Allah nami, kami in tantúpabí doman mondoí mopoḷunganga in gina-Mu. Kami in umuranbí doí monaḷámai kon dosa mita nami bo doí doman moindoimai kon totundú-Mu mita.

HOSEA 13:10

Inigum monimu in datu bo itoi, táe kon onda in tanaa in mosia? Mokoposaḷamat degá in mosia kon rayatmu?

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

HOSEA 7:10

Koḷoḷoḷatú in bangusa in Israel koontongandon totok bo nobaḻí tomponuot kon taḷá monia. Umpaka tua komintan ain nobaḻí, mosia in diábí doman notayak kon i-Nakó andeka mobui mangoi kon i-Nakó, ki Tuhan Allah monia.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

HOSEA 8:4

Umat-Ku in nomiḻí kon datu táe diá muna noḻibó kon i-Nakó. Mosia in noduí kon itoi táe diá noguman kon i-Nakó. Mosia in nogamá kon buḷawan bo saḷaka monia bo nomia kon patong berhala inta nokopopisí kon kinorimumudan monia tontaní.

MIKHA 2:1

Moboditodon in intau mita inta monomayá kon inta moraat kon dodai in mosiug mako kon tosiugan kon tungkuḷ in doḷom, bo mogaid kon tua kon dodai in doḷo-doḷom popisí in oyúon in ropot monia mogaid kon tua.