HOSEA 7:2 - Alkitab Singog In Mongondow Masa In Tanaa

² Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

HOSEA 7:2 Iomraidhean Croise

AYUB 34:21

Sia in moindoi mako kon kobobiag in intau, inindoian-Nea in bayongan ḷampangnea.

MAZMUR 10:11

Kainiakamai, “Kinoḻiongandon i Allah bo diá bidon inindoian mako; bo moiduduimai in diábí doman ontongon-Nea in akuoi!”

MAZMUR 25:7

Ampungaidon kaasí in dosa bo taḷá kon dodai in akuoi nobagupa, toropdon in akuoi podudui in tabi bo kopopia-Mu.

MAZMUR 50:22

Tondudutka, moiko inta nokoḻiong kon i Allah; ḷukadai bá diá dapot in yopúon-Ku in moiko, bo diábí in moposaḷamat.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

MAZMUR 90:8

Inukat-Mu in taḷá nami kon tayowon-Mu, dosa nami inta noiadop inontong-Mu.

YESAYA 1:3

Sapi in kotaauanneabí in kitoginea, keledai in monotaaubí kon tampat pongogaanan inta sinadia i tuangnea. Táe umat-Ku Israel in diá; diábí in mosia nonotaau intua.”

YESAYA 26:16

Iko ain nohukum kon i nami; kon bonu in roriga kami in nobui mangoi kon ini-Mu, bo nosambayang kon ini-Mu, Tuhan.

YESAYA 44:19

Mogogaid kon patong tatua in diábí norai, “Kayu tatua topongkó in sinubáku, bo buingnea in pinakéku pinotubáan kon roti bo pinoangagan kon ponoyá sin kaanonku. Bo kiagat in kayu tatua in inaidanku patong. Dá tanaa akuoi in nosumbabí kon kayu topongkó!”

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

YEREMIA 14:10

Aka kon bangusa tatua ki Tuhan in noguman, “Diá mopia in gina-Ku kon intau mita tatua inta moibog moḷagui kon i-Nakó, bo doí monahang kon gina. Diábí koḻiongan-Ku in taḷá monia, hukumon-Kubí in mosia popisí in dosa monia.”

YEREMIA 16:17

Akuoi in nokoontong kon bayongan inta inaidan monia. Diábí in noibuni kon i-Nakó; dosa doman mita monia ain inontong-Ku.

YEREMIA 17:1

Ki Tuhan in noguman, “Ei bangusa in Yohuda, dosamu in noikurigdon kon ginamu bo kon bayongan siku in mezbahmu mita pinais in polpen uatoi inta intau in matanea.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 32:19

Tomayá-Mu mita in motoyang, bo aid-Mu mita in mokoherang; Iko in nokoontong kon bayongan inta inaidan in intau, bo motuḻí kon i monia podudui in aid monia.

YEREMIA 4:18

Yohuda, ikobí tontaní inta nopoangoi in bodito tatua kon inimu. Kobobiagmu bo oaidmu mita in nokopopisí kon bayongan in roriga tatua tumurak kon ginamu.

YEREMIA 44:21

“Degá kai monimu kamai dá ki Tuhan in diábí nonotaau andeka nokoḻiongdon kon kuruban mita inta pinosumba kon kotá mita in Yohuda bo kon daḷan mita in Yerusalem in mogoguyangmu, in datu mita bo in pojabatmu mita, takin rayat kon butá tanaa bo takin doman moiko tontaní?

YEHEZKIEL 21:29

Oontongon inta inontong monimu in diábí totuu oontongon, bo toḻindap inta siningog monimu in diá doman totuu bo uboḷ. Moiko in moraat bo binaradosa, bo wakutu pohukuman kon inimu pangabisan in nodiugdon. Kedang tatua in momongkóbí kon sigogowmu.

HOSEA 12:2

Bayongan yagi-yagi inta pinomia in intau in Israel nongkon doḷo-doḷom nodapot in doḷom diá in mangaḻenea bo sipatnea in moyopúbí naonda bo tompot nongkon pomukaan. Aid motombogá bo moḻingá kodugang-kodugang kon sigad monia. Mosia in nomia kon dodandian noyotakin i Asyur bo nodia kon ḷana minayá in Mesir nobaḻí tomponuot yoyobayatan.”

HOSEA 4:9

Dá moiko in mororigabí naonda bo rayat! Hukumon-Kubí in moiko podudui in oaid monimu.

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

AMOS 8:7

Ki Tuhan, Allah in bangusa in Israel, ain nongibot, “Akuoi in diábí mokoimontanmai in mokoḻiong kon aid monia inta moraat.

YUNUS 1:2

Guman i Tuhan, “Bayádon kon Niniwe, kotá moḷoben tatua, sin mongindoyó kon inia, sin kinotaauan-Kudon kon intau mita kon tua in mongoraat totok.”

PINOGIAPAN 32:23

Tongá pokotaau, aka diá intompodan monimu in dandimu, yo baradosaan in moiko kon i Tuhan bo hukumon sin popisí in dosamu tatua.

LUKAS 12:2

Diábí tobatúmai in noibuni in diá koontongan bo diá doman in tobatúmai inta binuni in diá popotaau.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

ULANGAN 32:29

Aka kuma bo mosia mobijaksana, momangaḻebí in mosia, bo morai kon kopaḷutan monia.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.