HOSEA 6:9 - Alkitab Singog In Mongondow Masa In Tanaa

⁹ Imang mita kon kotá tatua in naonda bo topaanan in mogogagow inta noḷabot kon intau inta noitaḻib. Kon daḷan inta mopobayá ná kotá inta motusi kon Sikhem yo moḻimodbí doman in mosia! Bayongan in aid moraat tatua in tuodonbí monia aidan.

HOSEA 6:9 Iomraidhean Croise

KINOBAḺIAN 12:6

Ki Abram noḻibu kon butá tatua bo noidapotdon in sia kon tobatú pangkoi in kayu inta kai monia mokaramat kon More, inta tampat pososumbaan kon Sikhem. (Kon dodai intua intau in Kanaan nogutunpa kon butá tatua.)

DATU MITA IMITÁNEA 12:25

Naonda in nobaḻí datu in Israel, ki Yerobeam noginropotdon kon kotá in Sikhem kon butá in buḷud in Epraim, bo nogutun kon tua notoyong. Onda intua minayá bui in sia nongkon tua bo noginropot kon kotá in Pnuel.

EZRA 8:31

Kon singgai impuḷú bo doyowánea buḷan imitánea, kami in nonaḷámai kon Ongkag in Ahawa bo minayá in Yerusalem. Kon binayáan tatua kami in iḷukadan i Allah nami nongkon musung mita inta monubu bo moḷamboi.

YEREMIA 11:9

Onda intua ki Tuhan in noguman bui kon inakó, “Intau in Yohuda bo intau in Yerusalem aindon noyopopog moḷawang kon i-Nakó.

YEHEZKIEL 22:25

Itoinea mita naonda bo singa inta moganggor naonda in modomok mako kon kokaanonnea. Mosia in moḻimod kon rayat, mogagow kon bayongan in kapunyaan bo kaoyúonan inta nouḻí monia bo nokopopisí kon nobayong in nobaḻí dongka bobay-bobay.

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YEHEZKIEL 22:9

Kon sigad in intaumu mita oyúon in mopoponapud in uboḷ kon intau ibanea sinbá hukumon matoi. Oyúon doman in mokaan kon ponoyá inta pinokurubandon kon berhala. Oyúon doman in momia kon mokotor.

YEHEZKIEL 23:27

Natuata in aid-Ku mopogogai in ḷanuan in ibogmu bo bayongan in tuaḻing inta pinomiamu kon dodai in iko kon Mesir. Diá bidon in kamangmu kon berhala onuka andeka mokotoropa kon Mesir.”

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HOSEA 5:1

Ki Tuhan in noguman, “Indongogaidon, ei imang mita! Taridiaidon, ei intau in Israel! Indongogai, ei intau mita buí in datu! Hukuman in pinoḷabúdon kon i monimu. Sin, mustibí mokopoadil in moiko in monisig, táe noyotuuidon, moiko in nobaḻídon ná poyogaḷap kon Mizpa, naonda bo potait kon Buḷud in Tabor,

HOSEA 5:2

bo naonda bo bubú inta moonag kon Sitim. Tuamai in hukumon-Ku in moiko komintan!

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

MIKHA 3:9

Indongogaidon in singogku mita tanaa, ei moiko pongawasa in Israel inta mondoí kon kooadil bo monuui kon inta mobanar.

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

MARKUS 14:1

Singgai moḷoben Paska bo Poramean kon Singgai in Roti Diá Koragi dongkadon doyowa nosinggai. Imang mita itoi bo mototundú mita kon agama umurandon motayak kon daya naonda in pododomok kon i Yesus bo ḻimodon, táe umuni-uni.

YOHANES 11:47

Sin tuamai intau mita in Parisi bo imang mita itoi in nogaid kon rapat takin Mahkama Agama. Mosia in noḻibó, “Onu in musti aidan naton? Intau tanaa mokakitdon mogaid kon soaḷ mita inta mokoherang kon intau!

OUMAN IN RASUL MITA 4:24

Naonda in yobayat mita monia tatua nokodongog kon ouman monia tatua, mosia in nosambayang kon i Tuhan noyotakin, kai monia, “O Tuhan, Ikobí in nomia kon ḷangit bo butá, dagat bo bayongan tombonunea.