HOSEA 6:10 - Alkitab Singog In Mongondow Masa In Tanaa

¹⁰ Kon Israel oyúon in inontong-Ku inta mokokoningkim: Umat-Ku in noponajis in awaknea pinongin nosumba kon berhala.

HOSEA 6:10 Iomraidhean Croise

DATU MITA IMITÁNEA 12:8

Táe tonggina in guyanga mita tatua diábí inindongoganneamai, tongábí bo minayá in sia kon intau mita inta nongobagupa inta tongoumurnea bo inta koyogot nobantung kon inia.

DATU MITA IMITÁNEA 15:30

Ki Yerobeam in binaradosa bo nokopopisí kon intau in Israel binaradosa domandon. Pinongin natua ki Yerobeam nokopomuká kon torú i Tuhan, Allah inta sinumba in intau in Israel.

DATU MITA 2 17:7

Samaria in noḷabú sin intau in Israel binaradosa kon i Tuhan, Allah monia, inta ain noposaḷamat kon i monia nongkon datu in Mesir bo nodia kon i monia iḻumuai nongkon butá tatua. Mosia in nosumba kon ilah mita ibanea

YEREMIA 18:13

Ki Tuhan in noguman, “Ḻibódon kon batúan in bangusa mongo nokoimontandon in nobaḻí in ná tanaa. Umat in Israel ain nogaid kon inta mokokoningkim!

YEREMIA 23:14

Táe kon Yerusalem inontong-Kudon in nabi mita nogaid kon inta noiḻiu doman in raat. Nonguboḷ bo nonuaḻing in mosia, bo noduḷu kon intau inta nogaid kon inta moraat, dá diá tobatúmai in intau in moibog mogogai in mogaid kon moraat. Aka kon i-Nakó yo mosia tua in komintandon moraat naonda bo intau in Sodom bo Gomora.”

YEREMIA 3:6

Kon tungkuḷ in pinomarentaan i Datu Yosia, ki Tuhan in noguman nanaa kon inakó, “Inontongmudon degá in onu inta inaidan in Israel, bobay inta diá motoindudui tatua? Sia in nonaḷámai kon i-Nakó bo sinumundaḷ kon bayongan tudu in buḷud inta moḷantud bo kon siungon in bayongan pangkoi in kayu inta mobambar.

YEHEZKIEL 23:5

Umpaka ki Ohola nobaḻídon ki buḷoi-Ku, sia in tantúbí doman sinumundaḷ, bo totokbí in moibog in mosiug moyotakin in intau mita inta kinoibognea nongkon Asyur.

YEHEZKIEL 23:7

Takin intau mita moḷoben tatua ki Ohola nonuaḻing. Popisí in sia totok in moibog mosiug takin monia, dá pinonajisneadon in awaknea pinongin nosumba kon berhala mita monia.

HOSEA 4:11

Ki Tuhan in noguman, “Ei umat-Ku, pinomayá anggur noonggot andeka anggur nobagu nonginggamádon kon pandoimu morai motoratakmai.

HOSEA 4:12

Moiko in mopoigum in topotundú kon kayu topongkó! Tungkud tobatú in mopotaau kon inimu kon onu inta koibogmu kotaauan! Moiko in notongkai in buḷoi bobay tobatú inta nobaḻí sundaḷ; moiko in nonaḷámai kon i-Nakó bo nobogoi in awakmu kon ilah mita ibanea.

HOSEA 4:17

Umat in Israel ain nongibog totok kon berhala. Tuamai in pomayádon mako in mosia.

HOSEA 5:3

Kinotaauan-Ku in bayongan yagi-yagi soaḷ iko, ei Israel! Diábí in motaau bunionmu kon i-Nakó. Iko in nosumba kon berhala bo diádon motoindudui kon i-Nakó. Tuamai, intaumu mita in diá bidon patus mosumba kon i-Nakó.”