HOSEA 6:1 - Alkitab Singog In Mongondow Masa In Tanaa

¹ Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

HOSEA 6:1 Iomraidhean Croise

TAWARIKH 2 30:6

Pinodudui kon parenta i datu bo pogawainea mita pinotabádon in totabá mita minayá kon sinangkub in Yohuda bo Israel sin modia kon surat mita tatua inta nanaa in bonunea, “Rayat in Israel! Moiko nion in noiḷuatdon nongkon kawasa intau in Asyur. Tanaa in angoidon bui in moiko bo pogundoi kon i Tuhan, Allah inta sinumba i Abraham, i Ishak, bo i Yakub, sinbá Sia in buidon motuḷung kon i monimu.

AYUB 16:9

Pinongin torú ki Allah in nomera-merak kon awakku; takin noyaat totok in gina inimindoi in Sia kon inakó.

AYUB 22:23

Pobuidon mangoi kon i Tuhan takin ompá in gina koraatan kon baḷoimu in gogaiaidon.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

AYUB 5:18

Sin ki Allah in mopouma in takit, yo Siabí doman in mongundam. Bo ḻima-Nea inta nosambok, in inta bui momidai.

MAZMUR 30:7

Kon tungkuḷ in noaman, akuoi in noguman, “Akuoi in diábí taḷowon!”

MAZMUR 6:2

Tuhan, donaaidon kaasí mosambok kon inakó podoyon kon torú-Mu, donaaidon mohukum kon inakó podoyon kon yaat in gina-Mu.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.

MOHOHUTUBA 3:3

wakutu moḻimod bo wakutu mongundam, wakutu mongokai bo wakutu moposindog.

YESAYA 17:7

Kon singgai tatua intau in buidon mokituḷung kon i Inta nomaḻí kon inia, ki Allah mokudus in Israel.

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

YESAYA 30:26

Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YEREMIA 3:22

Ei moiko komintan inta ain nonaḷámai kon Tuhan, pobuidon mangoi! Sia in monompiabí kon i monimu, bo baḻíon-Nea in moiko motoindudui. Moiko in moguman, “Oo, tanaa kami in mamangoi kon i Tuhan, sin Sia in ki Allah nami.

YEREMIA 30:12

Ki Tuhan in noguman kon umat-Nea: “Takitmu in nobogatdon totok paḻímu in diá bidon in undamnea.

YEREMIA 30:17

Umpakabí musungmu in moguman, ‘Sion in iḷumbúdon, bo diá in noindoimai,’ tongá moiko in posehaton-Kubí bui, bo kekebmu mita in undaman-Kubí.”

YEREMIA 33:5

diábí in mangaḻenea in monayow kon intau in Babel, sin tua in tongábí mokopopisí kon kotá tanaa mopuḻing in mayat in intau mita inta pinatoi-Ku kon bonu in torú bo rogi-Ku kon i monia. Akuoi in doídon moindoi kon kotá tanaa, sin intaunea mita ain nogaid kon inta moraat.

YEREMIA 33:6

Táe kon singgai moiduduimai poguḻiton-Kubí bui in kaadaan in kotá tanaa bo intau inta nogutun kon bonunea; mosia in buibí moropot. Akuoi in mobogoibí kon i monia in kobiagan mooyúon bo koamanan inta mobayong totok.

YEREMIA 50:4

Ki Tuhan in noguman, “Kon tungkuḷ intua intau in Israel bo Yohuda in mamangoi bo moyotakin mongombaḷ, motayak kon i-Nakó, ki Allah monia.

YEREMIA 50:5

Mosia in moḻibóbí kon daḷan mopobayá in Sion, bodongka mayá ná tua. Mosia in mogaidbí kon dodandian mononoi takin-Ku, bo umuranbí kumadai.

OMBAḶ 3:11

Dinuduran-Nea in akuoi nodapot in sinumabat kon daḷan, bo binera-berak in akuoi bodongka sinaḷáan.

HOSEA 11:10

Ki Tuhan in noguman, “Umat-Ku in dumuduibí kon i-Nakó aka Akuoi moganggor naonda bo singa bo mopourot kon musung monia. Umat-Ku in ḻimikatbí in mamangoi nongkon dotá in toyopan sin mosumba kon i-Nakó.

HOSEA 12:6

Ki Allah tua in ki Tuhan Inta Totok in Mokawasa. Tangoinea in ki Tuhan. Pinongin tangoi tatuata ibogon-Nea intau moibada kon i-Nia.

HOSEA 14:1

Samaria in mustibí hukumon popisí in nomarontak nonayow kon i-Nakó. Rayatnea in matoi kon poparangan; adí mita mointok monia in ḻintogon, bo bobay mita sidia in botakon in siannea.”

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

IMAMAT 14:48

Táe aka ki imang mamangoidon bo naonda in sinaridinea mako bo diábí in ponopadan nomuká bui naonda in baḷoi tatua pinelester bui, dá musti poniata in imang tatua kon nodarit in baḷoi tatua, sin ponopadan tatua aindon noinggamá komintan.

ZEPANYA 2:1

Ei bangusa inta diá kooyá, kosadardon

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

SAMUEL 1 2:6

Ki Tuhan in mokopatoi bo mokobiag in Sia. Pinopoponag-Nea in intau kon dunia in intau minatoi. Bo Sia doman in nopoḷuai nongkon tua.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”