HOSEA 4:15 - Alkitab Singog In Mongondow Masa In Tanaa

¹⁵ Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 4:15 Iomraidhean Croise

TAWARIKH 2 17:4

táe tongábí moibada kon i Allah. Sia in motoindudui kon bayongan in parenta i Allah, bo kobobiagnea in diábí ná datu mita in Israel.

TAWARIKH 2 21:11

Nodapotbí in sia noposindog in tampat mita pososumbaan kon berhala kon butá in buḷud in Yohuda, bo nokopopisí kon rayat in Yohuda bo Yerusalem binaradosa kon i Tuhan.

YESAYA 48:1

Indongogai, ei buí i Yakub, buí in Yohuda inta nomaké in tangoi in Israel, kainimu in inakumu in Allah in Israel, bo nongibot pinodoyon kon tangoi Tuhan. Táe tosingogonmu mita tua in diábí totuu.

YEREMIA 44:26

Táe tanaa indongogai onu in poguman-Ku kon inimu, ei intau in Israel kon Mesir: Akuoi ki Tuhan, in mongibot podoyon kon tangoi-Ku inta momulia kon moiko in diá bidon ogoi-Ku mopomaké in tangoi-Ku aka momia kon dandi. Moiko in diá bidon motaau in moguman, Akuoi in mongibot podoyon kon tangoi i Allah inta nobiag!

YEREMIA 5:2

Moiko in moguman kon moiko in mosumba kon Tuhan, bokaka deemanbí natua in makusud monimu.

YEHEZKIEL 20:39

Ki Tuhan Inta Totok in moḷantud in noguman, “Ei intau mita in Israel, tanaa in taaudon kon inimu. Kumudungdon in mogaid kon dosa pongin mosumba kon berhalamu mita! Táe toropdon kon naonda in mopaḷut mako kon tua moiko in mustibí tumoḷutui kon i-Nakó bo diádon moporaa-raatmai kon tangoi-Ku inta motusi pongin modia kon sosumba kon berhalamu mita tatua.

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

HOSEA 12:1

Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 12:11

Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

HOSEA 12:12

tongá umpaka natua oyúonpa doman in nosumba kon berhala kon Gilead, bo moposumba in sapi kon tudu in mezbah kon Gilgal. Táe mosia inta nosumba kon berhala tatua in matoibí, bo mezbah mita kon Gilgal in mobaḻíbí bonturungan in batu kon gobá mita.”

HOSEA 4:12

Moiko in mopoigum in topotundú kon kayu topongkó! Tungkud tobatú in mopotaau kon inimu kon onu inta koibogmu kotaauan! Moiko in notongkai in buḷoi bobay tobatú inta nobaḻí sundaḷ; moiko in nonaḷámai kon i-Nakó bo nobogoi in awakmu kon ilah mita ibanea.

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

AMOS 4:4

Ki Tuhan Inta Totok in Moḷantud in noguman, “Ei umat in Israel! Bayádon kon pooibadaan kon Betel, bo pogaidon kon dosa kon tua! Bayádon in Gilgal, bo pogaidon kon dosa kinoibog in ginamu! Kumudungdon in moposumba in kuruban pomuḷoi in doḷo-doḷom, bo modia kon mopuḷú noporosen nongkon bayongan inta nouḻímu pomuḷoi in toḷu nosinggai!

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

AMOS 6:10

Intau tobatú inta kon motoḷuadían inta monoḻisí kon poḷobongan kon inia, in mamangoibí bo modia ḷumuai kon mayat in ginaḷumnea. Sia in momaḷúbí kon intau inta kon tumimai in baḷoi tatua, “Oyúonpa degá in nobiag koḻikud in iko?” Dá kodongogandon in tubag moguman, “Diá!” Tombonu in motoḷuadí inta pinoki ḷobongan tatua in moguman, “Dikadon mosingog bui! Kita in diábí motaau in monangoi kon tangoi i Tuhan.”

AMOS 8:14

Intau mita inta nongibot pinodoyon kon berhala in Samaria takin moguman, ‘Podoyon kon dewa in bangusa in Dan’, andeka ‘Podoyon kon i Dewa Bersyeba’ – in moḷabúbí bo diádon mobangon bui.”

EPESUS 5:11

Dika mogaid kon soaḷ mita inta diá baraguna ná inta inaidan in intau mita inta nobiag kon bonu in sindip. Táe inggamáaibí in aid mita inta diá mopia natua. (

YOSUA 5:9

Ki Tuhan noguman kon i Yosua, “Singgai in naa kinohinaan monimu nobaḻí ata mita kon Mesir ininggamáan-Kudon.” Tuamai tampat tatua sinangoian Gilgal dapot in tanaa.

YOSUA 7:2

Kon dodai intua ki Yosua nopotabá in tongonumai in intau nongkon Yerikho minayá in Ai, kotá tobatú kon dotá in pomukaan kon Betel, kon diug in Bet-Awen. Intau mita tatua pinotabá pinoki taridian in butá tatua. Naonda in mosia nobui nongkon oaidan tatua,