HOSEA 4:10 - Alkitab Singog In Mongondow Masa In Tanaa

¹⁰ Moiko in mokaanbí kon kuruban mita inta pinosumba, táe moiko in umuranbí gogoyon. Moiko in mosumbabí kon dewa mita inta kai monimu in mopoḷumbá, táe intaumu in diábí modugang, sin moiko in nonaḷámaidon kon i-Nakó sin mosumba kon ilah mita ibanea.”

HOSEA 4:10 Iomraidhean Croise

TAWARIKH 2 24:17

Naonda in ki Yoyada minatoi, ki Yoas in dinondouḷugan bo inanutan in itoi mita in Yohuda nodapot in sia diádon nopandungmai kon totundú i Yoyada.

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

AMSAL 13:25

Intau inta mopia tantúbí oyúon in pakéonnea, táe intau moraat umuran kodaitan.

YEREMIA 34:15

Tongonumai nosinggai inta ain noitaḻib moiko in nomaḷui kon dodiamu bo nogaid kon inta mokosanang kon gina-Ku. Moiko komintan in noibogbí kon mopoḷuat in ata mita tongobangusamu, bo nomia kon dodandian takin-Ku kon bonu in Baḷoi-Ku.

YEREMIA 9:12

Akuoi in noḻibó, “Tuhan, nongonu sin butá tanaa in pinomayábí mako in noḷogat bo noingkag naonda bo padang gurun nodapot in diádon in tumaḻib? Oyúon degá in mopandoi totok sinbá momangaḻe kon naa komintan? Ki ine in pinoginsilangan-Mu sinbá sia in mokopoyaput kon intau ibanea?”

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

YEHEZKIEL 22:9

Kon sigad in intaumu mita oyúon in mopoponapud in uboḷ kon intau ibanea sinbá hukumon matoi. Oyúon doman in mokaan kon ponoyá inta pinokurubandon kon berhala. Oyúon doman in momia kon mokotor.

HOSEA 4:14

Táe Akuoi in diábí mohukum kon aid monia tatua, sin moiko tontaní in minayá doman kon sundaḷ mita inta nogaid kon kuil mita, bo noyotakin monia moiko in nobogoi in sosumba kuruban kon dewa. Totuubí totok in tosingogon tanaa: ‘Bangusa inta diá kopomomangaḻe soaḷ ki Allah in moumpagbí.’

HOSEA 7:4

Mosia komintan momomaḻidawan bo intau inta diá motoindudui. Yaat in gina monia in naonda bo tuḷú kon bonu in doḷuong inta diá kinokaban i mogogaid kon roti kon tungkuḷ in kukis diápa noisadia tubáan.

IMAMAT 26:26

Moiko in kodaitan in kaanon, dá naa in mobaḻí: Bobay mopuḷú dongkadon tobatú in doḷuong sin potubáan kon roti inta kaanon monia. Kaanon tatua in pobuion doman, bo naonda in mokaan mako, umuranpa doman gogoyon in moiko.

MIKHA 6:14

Moiko in mongaanbí, táe diábí mobaḻí mobotug – sedang bo umuranbí gogoyon. Moiko in mogakutbí kon pakakat mita, táe diá mokopotagú. Onukabí in tagúon monimu in rimumudon-Kubí kon bonu in parang.

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

HAGAI 1:6

Moiko in noponimboidon in nobarong in bibit, táe bungai in boyómu tongá topiḻik. Oyúon in kaanon monimu, táe diá mokobotug kon sianmu. Oyúon in anggur kon i monimu, táe diá mokoorop kon ginamu. Oyúon in ḷambung monimu, táe diá mokoinggamá kon tumpingmu. Bo tondan in pinogaidan in mogogaid in diá tugat pakéon kon kobiagan monia moiduduimai.