HOSEA 3:4 - Alkitab Singog In Mongondow Masa In Tanaa

⁴ Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

HOSEA 3:4 Iomraidhean Croise

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

KINOBAḺIAN 31:34

Táe munadon ginamá i Rahel in patong tatua bo pinopobonunea kon botutu inta pinopobongkoḷ kon unta, bo sia iḻimitúdon mako kon bongkoḷ tatua. Ki Laban nomirikisa kon tombonu in ḷoḷaigan i Rahel, táe diá doman nouḻínea in patong tatua

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

SAMUEL 2 6:14

Onda intua notayokdon totok in ki Daud takin ḷunganga in gina sin mohoromat kon i Tuhan. Kon dodai intua tongá in sia nomaké in sosapi linen inta nopoḷok inta sinogot kon ogotannea.

DATU MITA 2 23:24

Kon mopoaid in hukum mita inta pinais kon bonu in buk inta nouḻí i Imang Moḷoben ki Hilkia kon Baḷoi Tuhan, bayongan in mogogoiní kon dimukud bo mononoḻindap in pinoguntun i Datu Yosia nongkon Yerusalem bo nongkon bayongan in Yohuda, bo iḷumbúnea in bayongan dewa in tonibuḷoi, berhala, bo pakakat mita inta pinaké kon posumbaan kon dewa mita.

TAWARIKH 2 15:2

dá minayá in sia nokipodungkuḷ kon i Datu Asa, bo noguman, “Uḻe Datu Asa, bo bayongan in intau inta nogutun kon Yohuda bo kon Benyamin! Indongogai! Ki Tuhan modagin kon i monimu aka moiko modagin kon i-Nia. Aka moiko mopoigum in topotundú i Tuhan, yo ogoian-Neabí doman. Táe aka moiko doí mopandungmai kon i-Nia, yo diábí doman in Sia mopandungmai kon i monimu.

IḶUAIAN 28:4

Pokiaidai doman in mosia in oḻingoi in dodob, epod, jubah, ḷambung inta iḷambáan, kaeng suruban bo baan. Ki Harun ki guya-guyangmu takin ki adínea mita musti pogaidan monia kon pakeang imang sinbá mosia in motaau mobantung kon i-Nakó mobaḻí imang.

OMBAḶ 2:9

Bonawangnea mita in kinobumbunandon in butá, bayongan in bonoboinea mita noputoḷ; datu bo pojabat in pomarenta dinia kon pinoḷumbúan. Hukum i Tuhan in diádon bui sinundú; nabi in diádon notarima kon tongkoyow nongkon i Tuhan.

YEHEZKIEL 19:14

Pangkoi in anggur tua iḻeḻep in tuḷú; tanga bo bungainea nodait kinaan in tuḷú. Diádon in ropot in tanganea nointok; diádon motaau pomiaan tungkud in dodatuan. Tuata in oamui inta bui-buionmai in umat podondong.

YEHEZKIEL 20:32

Moiko in moibog tumongkai kon bangusa mita ibanea bo intau mita inta nogutun kon butá mita ibanea inta nosumba kon pangkoi in kayu bo batu. Táe ibogmu tua in diábí kodapotan.’ ”

YEHEZKIEL 21:21

Datu in Babel in sinimindog kon diug in dopí totundú in daḷan tatua. Sinbá kotaauannea mongo onda in daḷan inta bayáannea, dá nopoigum in sia kon totundú kon berhala mita, monguḻingkó kon bobong pinobonuan kon piot bo monaridi kon poat in mahaḷuk inta bagu pinokuruban.

YEHEZKIEL 21:31

Popotugat-Kubí kon i monimu in torú-Ku inta modoko-dokot. Bo moiko in ogoi-Kubí kon intau mita inta moḻingá inta nobiasadon moḻimod.

DANIEL 11:31

Bo sia in nokidia in tontara mita inta nokokotor kon Baḷoi i Tuhan. Mosia in momopatbí kon kuruban muḷoi in singgai bo moposindog in inta mokokoningkim inta sinangoian Aid moraat inta mokorimumud.

DANIEL 12:11

Pinangkoi kon kuruban muḷoi in singgai pinogogai bo inta mokokoningkim inta sinangoi Aid Moraat inta mokorimumud tua pinosindog, in moitaḻib toribu bo doyowa nogatut bo siow nopuḷú nosinggai.

DANIEL 9:27

Datu tatua in momiabí kon dodandian moropot takin mobayong in intau pitu notaong in koonggotnea. Kon ruak in wakutu inta sinantú tatua, sia in mopogogaibí in mobogoi in kuruban bo sosumba. Onda intua inta mokokoningkim inta sinangoian Aid moraat inta mokorimumud in ukatonbí kon Baḷoi Tuhan bo umuranbí kon tua modapot in sia inta nogukat kon tua koḷabúan in koyopúan inta ain sinantú i Allah kon inia.”

HOSEA 13:10

Inigum monimu in datu bo itoi, táe kon onda in tanaa in mosia? Mokoposaḷamat degá in mosia kon rayatmu?

HOSEA 13:11

Takin rogi inogoi-Ku in datu kon inimu, bo takin rokokot in bagang inirud-Ku bui in mosia.”

HOSEA 2:11

Bayongan in bobutungannea in pogogaion-Kubí, pinomayá bobutungan taongan andeka bobutungan buḷanan bo singgai mita in Sabat; impoḷok mako in singog, bayongan in bobutungan in agamanea.

IMAMAT 8:7

Nopaḷut mako kon tua pinoḷutudneadon in ḷambung imang kon i Harun: kameja, togot in ogotan bo jubah. Epod doman inta pinopobogot kon ogotannea takin togotnea inta nongkon kaeng moaḷus.

ZAKHARIA 10:2

Intau mita mopoigum in topotundú kon berhala mita bo mononoḻindap mita, táe tubag mita inta nouḻí monia in uboḷ bo tongábí kon bibig. Oyúon in noginsilang kon togoindop, táe insilang monia in tongábí mokopoḷaḻe kon i monimu, bo ḷoḻipoi inta inogoinea diá in mangaḻenea. Tuamai in rayat noirangkapdon magí-mako naonda bo domba. Moajar monia sin diá in itoi.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

YOHANES 19:15

Mosia in nomaḷú, “Ḻimodon in Sia! Ḻimodon in Sia! Popopakúdon Sia kon kayu pinoyotaḻempang!” Ki Pilatus in noḻibó, “Musti degá in akuoi in mopopakú kon kayu pinoyotaḻempang kon i datumu?” Imang mita itoi notubag, “Tongábí ki Kaisar in datu nami!”

IBRANI 10:26

Sin aka habar inta mobanar nongkon i Allah ain pinotaau kon i naton, táe umuranpa doman tumuod in kita in mogaid kon dosa, dá diá bidon in kuruban inta pomopat kon dosa naton.

HAKIM MITA 17:5

Ki Mikha naa in koyongandon oyúon in tobatú tampat pososumbaannea. Sia in nomia kon tongonumai in patong berhala bo todit in epod bo noduí kon i adínea ḷoḷaki tobatú nobaḻí imang.

HAKIM MITA 18:14

Intau toimata taya ḻima inta muna pinotabá tatua noguman kon yobayatnea mita, “Bá kotaauandon monimu kon baḷoi tobatú kon naa oyúon in patong inta inaipan in saḷaka! Oyúon doman in patong mita ibanea bo epod. Raika mongo onu in musti pomiaan naton.”

HAKIM MITA 8:27

Nongkon buḷawan mita tatua, ki Gideon nomia kon patong berhala, bo pinosindognea kon ḻipúnea inta kon Opra. Bayongan in intau in Israel minayá intua sin nosumba kon patong berhala tatua, nodapot in mosia diádon noindoimai kon i Allah. Bo soaḷ tatua in nobaḻí naonda bo poyogaḷap tobatú kon i Gideon bo motoḷuadínea.

SAMUEL 1 14:3

(Imang inta nodia kon epod in ki Ahiya adí i Ahitub, inta ki utat i Ikabod adí i Pinehas, bo ki Pinehas ki adí i Eli, in imang i Tuhan kon Silo.) Kinotaauan domandon in rayat kon ki Yonatan in minayá domandon nongkon tua.

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 21:9

Bo tubag i Ahimelek, “Akuoi in notagú kon kedang i Goliat, intau in Pilistin inta iḻimodmu kon Ḷopá in Ela tatua; kedang tatua in sinagúku kon tumimai in Epod, binakut in ketek. Aka moibog in iko, dá gamádon, sin tongádon tua in abit in oyúon kon naa.” Guman i Daud, “Kedang tatua in kedang inta totok in mopia kon bayongan in butá kon naa, ogoidon kon inakó intua!”

SAMUEL 1 22:18

Tuamai in ki Saul noguman kon i Doëg, “Koḻikat! Ikodon in moḻimod kon i monia!” Dá inumunadon in ki Doëg bo noḻimod kon imang mita tatua. Kon singgai tatua sia nomatoidon kon waḷu nopuḷú in imang inta motaau mogiḷambung in ḷambung epod.

SAMUEL 1 23:6

Naonda in ki Abyatar ki adí i Ahimelek noḷagui minayá kon i Daud, bo dinumudui kon i Daud minayá in Kehila, sia in nodia doman kon epod.

SAMUEL 1 23:9

Táe ain kinotaauan i Daud kon ki Saul in koniatdon moraat kon inia. Tuamai in noguman in sia kon i Imang Abyatar, “Diadon mangoi in epod tatua.”

SAMUEL 1 30:7

Bo ki Daud in noguman kon i Imang Abyatar adí i Ahimelek, “Diadon mangoi in epod tatua!” Dá dinia i Abyatar in epod tatua kon inia.