HOSEA 2:3 - Alkitab Singog In Mongondow Masa In Tanaa

³ Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

HOSEA 2:3 Iomraidhean Croise

IḶUAIAN 17:3

Táe intau mita tatua totokdon in moyogang bo umurandon in mosia mongunsingog kon i Musa. Guman monia, “Nongonu sin diniamubí in kami nongkon Mesir? Degá, bá matoi in rogang in ki adí mita nami takin bobiagon mita nami?”

YESAYA 33:9

Ḻipú sinaḷáan nobaḻídon noingongow. Kayuon mita in Libanon kinoantugan in takit, bo Ḷopá in Saron inta moḷumbá mobaḻí naonda bo padang gurun. Kon Basan bo kon Buḷud in Karmel daun mita mongototak.

YESAYA 47:3

Intau in mokoontongbí kon inimu momilang, singkuḻeon bo pokopooyáanmai Akuoi in totuubí kon motuḻí kon oaidmu, bo diábí in tobatúmai in taḻiban-Ku.”

YESAYA 64:10

Kotá mita motusi-Mu in nádon onda bo padang gurun, Yerusalem in nobaḻídon butá noingkag inta noingongow.

YEREMIA 12:10

Nobayong in mongongawasa ango-angoi in nomoguyaatdon kon gobá in anggur-Ku bo noruntai kon gobá-Ku mita. Ḻipú-Ku inta mogaga binaḻí monia padang gurun inta moingongow.

YEREMIA 13:22

Degá moḻibó in moiko nongonu sin tua komintan in moiantugbí kon inimu, nongonu sin ḷambungmu in binerakbí bo moiko in pinakisa siniugan. Pokotaaudon kon tua in nobaḻí popisí in dosamu noiḻiudon in barong.

YEREMIA 13:26

Akuoi tontaní in momerak kon ḷambung nongkon awakmu sinbá mopilangdon in moiko bo mooyá.

YEREMIA 14:3

Bobantung mita in intau nooyúon pinoki tayakan magí mako in tubig; mosia in minayá noindoi kon bayongan in parigí táe tubig in nodaitdon komintan. Diádon in bonu in kendi inta dinia bui mangoi monia. Takin ḻia-ḻiaw in gina bo kinobuḻian in kamang nooyá in mosia bo nomompon kon pogot.

YEREMIA 17:6

Sia in naonda bo pinomuḷa inta nobiag kon rawang, kon tudu in butá noḷogat, noingongow bo noibung, diá kon dodai in onda in sia in mokorasa kon kopiaan.

YEREMIA 2:31

Ei umat Israel, indongogai in singog-Ku mita tanaa. Nokoimontandon degá in Akuoi naonda bo padang gurun kon i monimu andeka naonda bo butá inta sinimindip? Táe nongonu sin moiko in mogumanbí kon moiko in moibog moiḷuat bo doídon mobui mangoi kon i-Nakó?

YEREMIA 2:6

Akuoi in diádon pinandungmai; Akuoi, inta ain nokapit kon i monia kon daḷan, bo nodia kon i monia iḻumuai nongkon Mesir sinumaḻib kon rawang in bungaion, tampat inta diá in mobobiag inta nobayong in pobeukan, bo inta noingkag bo mokoanib doman – tampat inta diá inutunan bo diá bayáanmai!

YEREMIA 22:6

Bo kon i-Nakó yo komaḻig in datu in Yohuda in totuubí kon mogaga, ná kogaga in butá in Gilead bo buḷud mita in Libanon; táe tampat tatua in baḻíon-Kubí naonda bo padang gurun inta diá inutunan in intau.

YEREMIA 4:26

Butá moḷumbá in nobaḻídon rawang noingkag, kotá mita in norimumud nobaḻídon rumbunnea, popisí in ki Tuhan in sinumorúdon totok kon umat-Nea. (

YEREMIA 51:43

Kotánea mita mobaḻí tampat inta mokokoningkim, naonda bo padang gurun inta noḷogat. Diábí in intau in moibog mogutun andeka tumaḻib kon tua.

YEREMIA 51:5

Akuoi, ki Tuhan, Allah Inta Totok in mokawasa, Allah inta mokudus in Israel, diábí monaḷámai kon Israel bo Yohuda, umpakabí mosia ain binaradosa kon i-Nakó.

YEHEZKIEL 16:22

Kon kobiaganmu inta mokorongó tua saḷaku sundaḷ, yo topiḻikmai diá bidon kinotoropanmu in kobiaganmu kon tungkuḷ in nointokpa koḻipod, kon dodai in iko diá koḷambu-ḷambung bo moḻiaimai kon bonu in dugúmu tontaní.”

YEHEZKIEL 19:13

Tanaa in pinomuḷadon in sia kon rawang in bungaion, kon butá noingkag bo diá kotubig.

HOSEA 13:15

Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

HAKIM MITA 15:18

Onda intua ki Simson totokdon in irumogang, dá sia nokuani kon i Tuhan. Sia noguman, “Tuhan, bagupabí in Iko nopountung kon inakó. Yo tanaa degá akuoi in musti matoi in rogang, modapot in domokondon in intau mita in Pilistin inta diá nonotaau kon ini-Mu?”