HOSEA 2:16 - Alkitab Singog In Mongondow Masa In Tanaa

¹⁶ Bo tangoionneadon in Akuoi ki buḷoinea, bo deemandon Baalnea.

HOSEA 2:16 Iomraidhean Croise

KINOBAḺIAN 34:3

Táe sia in totokbí in moibog kon i Dina, dapot in sia totokdon in moibog bo moramuji sinbá mongodeaga tatua moibog domandon kon inia.

YESAYA 40:2

Poonowdon in gina in intau in Yerusalem, pogumandon kon pononggataan kon i monia in nopaḷutdon. Taḷá monia in inampungan-Kudon, dosa mita monia in ihukum-Kudon kodua noguntuḷ.”

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

YEREMIA 3:14

Ki Tuhan in noguman, “Ei umat inta diá mosatia, pobuidon mangoi kon i-Nakó! Moiko in Akuoi in kitogi. Akuoi in mogamábí kon inimu, tumongo batu in kon batúan in kotá, tododoyowa in kon batúan in inanakan, bo modia kon i monimu mobui kon Buḷud in Sion.

YEHEZKIEL 20:35

Bo moiko in diaan-Ku mayá in ‘Rawang in bangusa mita’. Kon tua sisigan-Ku in moiko moyogintayow mako,

HOSEA 2:7

Sia in momatukbí kon intau mita inta kinoibognea, táe diábí mokodapot kon i monia. Sia in motayakbí kon i monia, táe diábí mouḻínea in mosia. Bo sia in moguman, ‘Akuoi in mobuibí mangoi kon i buḷoiku inta muna; kobobiagku dungkuḷmai in mopia-pia nongkon tanaa mako.’

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

KORINTUS 2 11:2

Akuoi in mokotanob kon i monimu, naonda bo kototanob i Allah kon i monimu. Moiko nion in naonda bo mongodeaga inta ain pinodandiku kon nikaan in tobatú ḷoḷaki, ḷoḷaki tatua in ki Kristus.

WAHYU 19:7

Koḻigai in kita mokopoḷungangadon kon gina bo moyogiyow modayow kon i-Nia! Sin nodapotdon in singgai ponikaan i Adí in Domba bo nonikaan-Nea in nobasadiadon.

HAKIM MITA 19:3

intau in Lewi tatua minayá nomatuk kon inia sin modondouḷug bui kon inia. Sia minaya takin bobantungnea tobatú bo keledai doyowa. Naonda in noyaput kon tua, bobay tatua nodia kon inia kon tayowon i amánea. Onda in ki amá in bobay tatua nokoontong kon inia, sinomunea takin pia in gina,

RUT 2:13

Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”