HOSEA 13:6 - Alkitab Singog In Mongondow Masa In Tanaa

⁶ Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

HOSEA 13:6 Iomraidhean Croise

NEHEMIA 9:35

Inogoi-Mu in datu mita inta momarenta kon umat-Mu, naonda in mosia nogutun kon butá inta mobanat bo mopia inta inogoi-Mu. Tongá diábí in mosia nonaḷámai kon kobobiag inta moraat, doí mogundoi kon ini-Mu poḷat moibada.

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

YESAYA 17:10

Israel, iko in nokoḻiongdon kon i Allah inta noposaḷamat bo noḷukad kon inimu naonda bo buḷud batu inta moroton. Noyoḻiu kon tua, iko in nomuḷadon kon gobá mita sin ogoi kon dewa mita.

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

YEHEZKIEL 23:35

Ki Tuhan Inta Totok in moḷantud in noguman, “Popisí in iko nokoḻiongdon kon i-Nakó bo nonoḻikudon kon i-Nakó, dá mororiga in iko sin ibogmu inta noiḷanú bo pinosundaḷanmu.”

YEHEZKIEL 28:5

Totuu, mopandoi in iko modagang bo tanaa in nooyúondon totok, bo kaoyúonanmu tua in nokoḷoḷatú kon inimu!’ ”

HOSEA 10:1

Israel in naonda bo pangkoi in anggur inta nomungai nodatog. Kodugang-kodugang in kaoyúonannea, kobayong-kobayong domandon in mezbah pomiaannea. Kotomoman-kotomoman in kobobiagnea, kogaga-kogaga doman in pomiaannea in tugu mita in berhala inta sinumbanea.

HOSEA 12:8

Ki Tuhan in noguman kon bangusa in Israel, “Moiko in motombogá naonda bo intau in Kanaan; mododagangmu mita moibog monguboḷ kon mototaḷuinea pongin simbangan inta diá moitutui.

HOSEA 2:13

Akuoi in mohukumbí kon inia popisí in singgai mita inta pinakénea motubá kon kamania kon i Baal, bo mopotaingkat pongin ḷambánea sin momatuk kon intau mita inta kinoibognea, bodongka moḻiong kon i-Nakó totu-totuu. Akuoi, ki Tuhan ain nosingog.”

HOSEA 2:7

Sia in momatukbí kon intau mita inta kinoibognea, táe diábí mokodapot kon i monia. Sia in motayakbí kon i monia, táe diábí mouḻínea in mosia. Bo sia in moguman, ‘Akuoi in mobuibí mangoi kon i buḷoiku inta muna; kobobiagku dungkuḷmai in mopia-pia nongkon tanaa mako.’

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

HOSEA 4:7

Kodugang-kodugang in moiko, kodugang-kodugang doman in dosa monimu kon i-Nakó, ei imang mita! Tuamai in kaadaan monimu in baḷuian-Ku: Moiko in diá bidon horomaton, táe singkuḻeon bidon.

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

HOSEA 7:14

Mosia in diábí totu-totuu mosambayang kon i-Nakó. Aka mosia mosambayang, mosia in umobatbí kon tosiugan monia, bo mogamui naonda bo onu inta inaidan in intau mita inta diá mopirisaya kon i-Nakó. Aka mosia mosambayang moigum kon gandum bo anggur, mosia in monongkekeb kon awak ná inta inaidan in intau mita inta nosumba kon dewa. Mosia in totu-totuubí kon moḷawang kon i-Nakó.!

HOSEA 8:14

Intau in Israel noposindog in komaḻig mita, táe mosia in nokoḻiong kon i Inta nomaḻí kon i monia. Intau in Yohuda nodugang kon kobayong in kotá mita inta dininding, táe Akuoi in mopoonagbí in tuḷú sin momagong kon bayongan in komaḻig bo kotá mita monia.”

HOSEA 8:4

Umat-Ku in nomiḻí kon datu táe diá muna noḻibó kon i-Nakó. Mosia in noduí kon itoi táe diá noguman kon i-Nakó. Mosia in nogamá kon buḷawan bo saḷaka monia bo nomia kon patong berhala inta nokopopisí kon kinorimumudan monia tontaní.

ULANGAN 32:18

Mosia in nonoḻikudon kon Mopoposaḷamat monia inta motoyang, noḻiongdon kon i Allah monia inta nobogoi in kobiagan.