HOSEA 13:3 - Alkitab Singog In Mongondow Masa In Tanaa

³ Tuamai in intau mita tatua in moinggamábí naonda bo topuot andeka oḷú doḷo-doḷom. Mosia in mobaḻídon naonda bo ḷobud in baḻeká inta inirup in tompot kon poḷoḻintogan kon gandum, bo naonda bo poyok inta iḻumuai nongkon bubú in poyok.

HOSEA 13:3 Iomraidhean Croise

AYUB 21:18

Nokoimontandon degá in mosia naonda bo wawa bo ḷobud inta inirup in deḷang bo tompot?

AYUB 30:15

Inta motoyang pinopoantug kon inakó; naonda bo tompot mogirup, pia in tangoiku noḷabú; naondadon bo goḷom noitaḻib, nobuḻidon in kobiaganku inta mopia.

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 68:2

Ki Allah in simindog moporarit in musung-Nea intau inta mondoí kon i-Nia in moḷagui nongkon tayowon-Nea.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

DANIEL 2:35

Kon dodai doman intua patong tatua in noumpag bo nobaḻí bonturungan in uatoi, butá in ḷamentong, bitú, saḷaka, bo buḷawan inta ain norimumud noyobauk naonda bo ḷobud kon tampat poḷoḻintogan kon gandum kon sempo in poninggai. Bonturungan tatua nongoiḷayug in inirup in tompot, dá diádon nonaḷámai kon paḷot topiḻikmai. Táe batu inta nogumpag kon batu tatua nobaḻí ná koḷoben in buḷud bo nomuḻing kon sinangkub in butá.

HOSEA 6:4

Táe ki Tuhan in noguman, “Ei Israel bo Yohuda! Onu in musti aidan-Ku kon i monimu? Tabimu kon i-Nakó in motoyongbí moinggamá naonda bo topuot andeka oḷú doḷo-doḷom.

ZEPANYA 2:2

kon dodai in moiko diápa moḷaḷow bo moingkag naonda bo bungang! Koinsapdon kon dodai in diápa moiangoi in singgai torú i Tuhan, bo moiko in kotugatan in torú i Tuhan inta mopodoko-dokot tatua.

ZAKHARIA 8:12

Mosia in moponimboibí in bibit takin dame. Pangkoi mita in anggur monia in momungaibí, butá in mopoḷuaibí in bungainea, bo uyan in umuranbí morogot. Bayongan in barakat tatua in ogoi-Kubí kon bangusa mita inta nobiagpa nongkon bangusa tanaa.