HOSEA 13:2 - Alkitab Singog In Mongondow Masa In Tanaa

² Dapot in tanaa intau mita in Epraim tatua in tantúpa doman mogaid kon dosa; mosia in mogaid kon patong mita saḷaka sin sumbáan – patong inta sinomayá in raian in intau bo inta pinomia in ḻima in intau. Mosia in noguman, “Posumbadon in kuruban kon patong mita tanaa!” Mokoherang, intau in mongayok kon patong in ki adí in sapi!

HOSEA 13:2 Iomraidhean Croise

DATU MITA IMITÁNEA 19:18

Táe 7.000 in intau in Israel in posaḷamaton-Kubí, mosia inta umuran mosatia kon i-nakó bo inta diá kon dodai in onda in sinumungkud nosumba kon patong i Baal andeka mongayok kon tua.”

TAWARIKH 2 28:13

Mosia in noguman, “Dika diaan in intau mita inta dinakop tatua kon naa! Kita in binaradosadon kon i Tuhan, bo dosa mita naton in totuudon moḷoben sin hukumon. Tanaa in moiko mogaid kon tobatú aid inta tongá mokodugang kon taḷá naton.”

TAWARIKH 2 33:23

Táe noyoposi i amánea, ki Amon in diábí sinumonsiup bo diá doman nobui mangoi kon i Tuhan; nodapotbí in sia in binara-baradosa nongkon i amánea.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

YESAYA 1:5

Nongonu sin moiko in umuranbí momayow? Moibog degá in moiko hukumon moiḻiu kon tua in kobogatnea? Uḷumu ain nopuḻing in paḻí mita, gina bo raianmu monakit.

YESAYA 30:1

Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia.

YESAYA 44:11

Totuu, bayongan in intau inta nosumba kon patong in mooyábí. Intau inta nogaid kon patong tua in intaubí doman biasa. Pokisindogaidon in mosia moyotakin; yo notantú bidon kon mosia in moondokbí bo mooyá.

YESAYA 45:20

Ki Tuhan in noguman, “Poyosipundon bo angoidon moyotakin, moiko komintan inta nosaḷamat kon sigad in bangusa mita! Bodokdon in intau mita inta nongurig kon patong kayu, bo nosambayang kon dewa mita inta diá mokoposaḷamat.

YESAYA 46:6

Intau mobuká kon dompet bo mogundak kon buḷawannea bo monimbang kon saḷakanea momaké in simbangan. Monondan in sia kon mononontaḷ kon buḷawan sin momia kon patong berhala, bo mosumba in sia kon patong inta pinomianea tontaní.

YESAYA 46:8

Toropdon bo rai-raidon, ei intau mita moraat!

YEREMIA 10:4

Onda intua patong berhala tatua ḷambáan in buḷawan bo saḷaka, bodongka inirigonan in pakú sinbá diá moḷabú.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 8:5

Táe nongonu sin moiko, umat-Ku in umuranbí monoḻikud bo monaḷámai kon i-Nakó? Moiko in rimigonbí in kumadai kon berhalamu, bo doí mobui mangoi kon i-Nakó!

HOSEA 10:1

Israel in naonda bo pangkoi in anggur inta nomungai nodatog. Kodugang-kodugang in kaoyúonannea, kobayong-kobayong domandon in mezbah pomiaannea. Kotomoman-kotomoman in kobobiagnea, kogaga-kogaga doman in pomiaannea in tugu mita in berhala inta sinumbanea.

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

HOSEA 11:2

Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 11:6

Parang in tumagabbí modapot kon bonu in kotá mita monia, bonawang mita in poguyaatonbí, bo umat-Ku in yopúon. Tua in mobaḻí popisí in mosia dinumudui kon ibognea tontaní,

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

HOSEA 4:17

Umat in Israel ain nongibog totok kon berhala. Tuamai in pomayádon mako in mosia.

HOSEA 8:4

Umat-Ku in nomiḻí kon datu táe diá muna noḻibó kon i-Nakó. Mosia in noduí kon itoi táe diá noguman kon i-Nakó. Mosia in nogamá kon buḷawan bo saḷaka monia bo nomia kon patong berhala inta nokopopisí kon kinorimumudan monia tontaní.

HOSEA 8:5

Akuoi in doíbí kon sapi buḷawan inta sinumba in intau in Samaria. Akuoi in sinumorúbí totok kon i monia. Modapot in toonu in mosia in umuran mopokotormai kon awak pongin mosumba kon berhala?

HOSEA 8:6

Sapi buḷawan inta sinumba kon Samaria tatua in miabí in ḻima in intau in Israel! Tua in deemanbí Allah, bo mustibí rimumudon!

PINOGIAPAN 32:14

Bo tanaa, moiko momarontak ná tai amá mita monimu! Moiko nion in totuubí kon topaanan in intau mita binaradosa inta mokopomuká kon torú i Tuhan dumoko-dokot bui kon bangusa in Israel!

SURAT I PAULUS KON JAMAAT RUM 11:4

Onu in pinotubag i Allah kon i Elia? “Pitupa noribu in intau in sinaḷáan sin gamáan-Ku mobaḻí kapunyaan-Ku. Mosia tua inta diá kon dodai in onda nosumba kon i Baal.”

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea: