HOSEA 13:15 - Alkitab Singog In Mongondow Masa In Tanaa

¹⁵ Umpakabí Israel motomoman naonda bo bonok inta noḷumbá, táe Akuoi in mopoangoibí in tompot in pomukaan inta mopatú nongkon padang gurun. Tompot tatua in mogingkag kon bayongan in bokaká bo ḻimbuong mita, dá moinggamádon in bayongan inta koboḻi.

HOSEA 13:15 Iomraidhean Croise

KINOBAḺIAN 41:23

Bo nobiag domandon in batoḷ in gandum pitu inta nongo kepa bo noḷaot domandon sin iruponmai in tompot in pomukaan.

KINOBAḺIAN 41:52

Sia in noguman doman, “Ki Allah ain nobogoi kon inakó in adí kon bonu in rorigaku,” bo sinangoianneadon ki adínea induanea tua ki “Epraim”.

KINOBAḺIAN 41:6

Noiduduimai kon tua nobiag doman monik in batoḷ in gandum pitu ibanea, inta nokepa bo noḷaotdon sin inirup in tompot in pomukaan.

KINOBAḺIAN 48:19

Táe ki amánea noguman, “Kinotaauankubí uḻeku, kinotaauankubí. Ki Manasye in mobaḻí moḷoben in kawasanea bo buínea in mobaḻíbí doman bangusa inta moḷoben. Táe kawasabí i ai-ainea in moḷobe-ḷoben nongkon kawasanea, bo buí i ai-ainea in mobaḻí bangusa mita inta moḷoben.”

KINOBAḺIAN 49:22

Ki Yusup naonda bo keledai inta batánea, keledai kaḻig kon diug in bokaká, noribatuk kon aḻet in buḷud.

AYUB 18:16

Uakatnea mita in noingkag bo noḷaot; tanganea mita noingkag bo noḷaḷow.

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 109:13

Biódon mako in bayongan in buínea yopúon, bo tangoinea in ḻiongondon in intau moiduduimai.

YESAYA 14:21

Poḻimodan in ḷagidon pangkoion! Ki adímu mita ḷoḷaki in matoibí popisí in dosa in mogoguyang monia. Diábí tobatúmai in kon sigad monia in momarenta kon dunia andeka moposindog in kotá mita.”

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YESAYA 27:8

Ki Tuhan in nohukum kon umat-Nea pinongin noḷumbú kon i monia kon butá in intau. Inuntun-Nea in mosia pinongin tompot moraat nongkon dotá in pomukaan.

YESAYA 41:16

Uabanmubí in mosia, bo mosia in poḷayugondon in tompot bo potabudon in deḷang. Moḷungangabí in ginamu popisí in Akuoi, ki Tuhan, bo yumunggagá popisí in Akuoi, Allah in Israel.

YEREMIA 20:5

Musung monia in pomayá-Ku doman mako in mogamá bo mogakut pobayá in Babel in bayongan kaoyúonan in kotá tanaa, bo bayongan in kapunyaannea, nodapotbí in pakakat mita pusaka in datu mita in Yohuda.

YEREMIA 4:11

Wakutunea in moiangoibí intau in Yohuda bo intau in Yerusalem mokouḻí kon habar kon tompot mopatú nongkon padang gurun koyogotdon in mogirup mamagí kon i monia. Tompot tatua in deemanbí tompot biasamai inta tongá mopoḷayug in baḻeká,

YEREMIA 4:12

táe tompotbí moropot inta namangoi pinodoyon kon parenta i Tuhan tontaní sin mopoḷabú in hukuman kon umat-Nea.

YEREMIA 51:1

Ki Tuhan in noguman, “Popoangoi-Kubí in tompot pomoguyaat inta mogirup mopobayá in Babel bo kon intaunea mita.

YEREMIA 51:36

Tuamai in ki Tuhan in noguman kon intau in Yerusalem, “Akuoi in motuḷungbí kon pelekaramu bo motuḻí kon aid mita in musungmu mita kon inimu. Bokaká mita bo ongkag mita in Babel ingkagan-Kubí.

YEHEZKIEL 17:10

Totuu kon sia in noimuḷadon noropot, táe umuran degá in sia mobiag poḷat in modugang mobayong? Degá diá moḷaḷow in sia aka irupon in tompot in pomukaan? Degá diá moingkag in sia kon tampat inta pinomuḷaan kon inia?”

YEHEZKIEL 19:12

Táe sia irabut in ḻima mita inta irumogi, onda intua pinogonag kon butá. Tompot in pomukaan nogirup, nogingkag kon bungainea inta mopia. Tanganea noputoḷ, noingkag bo sinurub.

DANIEL 11:8

Kon tungkuḷ in sia mobui kon Mesir, diaanneabí in patong in dewa in musungnea bo pakakat buḷawan bo saḷaka inta ain pinosumba kon i dewa tatua. Tongonumai notaong noiduduimai kon tua diábí in sia monubu kon i datu in butá in utuan.

HOSEA 10:1

Israel in naonda bo pangkoi in anggur inta nomungai nodatog. Kodugang-kodugang in kaoyúonannea, kobayong-kobayong domandon in mezbah pomiaannea. Kotomoman-kotomoman in kobobiagnea, kogaga-kogaga doman in pomiaannea in tugu mita in berhala inta sinumbanea.

HOSEA 2:3

Aka sia umuran sumundaḷ, yo ḷongkutan-Kubí in ḷambungnea sinbá mopilang in sia naonda bo kon singgai in sia pinononggadí. Baḻíon-Ku in sia naonda bo butá inta noingkag, dá matoi in rogang in sia.

HOSEA 4:19

Tuamai in mosia in moinggamábí naonda bo inirup in tompot. Mosia in mooyábí popisí in kuruban mita inta pinosumba monia kon dewa mita.

HOSEA 9:11

Tangoi moḷoben in Israel in ḷumayugbí moibuni naonda bo ḷagapan; diá bidon in monogusian, bo diábí in adí mita in pononggadí.

YUNUS 4:8

Naonda in nomukádon in mata in singgai, ki Allah nopoangoi in tompot mopatú inta nogirup nongkon pomukáan. Ki Yunus gogió bo notambuḷoḷok popisí in inonag in singgai inta nádon onda bo momokak kon uḷunea. Noinggamádon in kamangnea bo moibogdon totok matoi. Sia in noguman, “Mopia-piabí kon matoi in akuoi dika in mobiag!”

NAHUM 2:9

Agowdon in bayongan in buḷawan bo saḷakanea! Kapunyaan kon kotá tanaa totuu mobarong!

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”