HOSEA 13:10 - Alkitab Singog In Mongondow Masa In Tanaa

¹⁰ Inigum monimu in datu bo itoi, táe kon onda in tanaa in mosia? Mokoposaḷamat degá in mosia kon rayatmu?

HOSEA 13:10 Iomraidhean Croise

DATU MITA IMITÁNEA 12:20

Kon dodai in bayongan rayat nokodongog kon ki Yerobeam in nobuidon nongkon Mesir, inoiní monia in sia kon pinoyodungkuḷan tobatú bo dinuí monia in sia nobaḻí datu in Israel. Tongábí rayat in suku Yohuda in umuran nosatia kon buí i Daud.

DATU MITA 2 17:4

Táe kon wakutu tobatú, ki Hosea in nopotabá in totabá kon i So datu in Mesir sin mopoigum in totuḷungnea. Bo ki Hosea in nogogaidon in noguboḻi kon iba taongan kon i Asyur. Naonda in kinotaauan i Salmaneser in aid i Hosea tatua, dinomoknea in ki Hosea bo binonunea kon ponjara.

MAZMUR 10:16

Ki Tuhan in momarenta modapot in mononoi; bangusa mita inta diá nonotaau kon i-Nia in moinggamábí nongkon butá-Nea.

MAZMUR 149:2

Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!

MAZMUR 44:4

Butá tatua in diábí inagow monia nopomaké in kedang; diábí doman ropot monia tontaní in nokopountung kon i monia, táe pinodoyonbí kon kawasa bo sindar in kinoangoian-Mu, sin noibog in Iko notuḷung kon umat-Mu.

MAZMUR 74:12

Nongkon pinomangkoianpabímai Ikobí in ki datuku, o Allah, Ikobí inta noposaḷamat kon inami.

MAZMUR 89:18

Iko in nopountung kon inami nádomai tua, popisíbí in kopopia-Mu tua dá nountung in kami.

YESAYA 33:22

Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.

YESAYA 43:15

Akuoibí in Tuhan, Allahmu Inta Mokudus, Datumu, inta nomaḻí kon inimu, ei Israel!”

YEREMIA 2:28

Kon onda in berhalamu mita inta pinomia monimu tua? Aka oyúon in roriga, yo kuanidon in mosia moposaḷamat kon i monimu, aka mokoposaḷamat in mosia! Ei Yohuda, dewamu mita in ná kobayong in kotámu mita!

YEREMIA 8:19

Indongogai! Kon sinangkub in butá kodongogan totok karak in ombaḷ in bangusaku inta moḻibó, “Diádon degá in ki Tuhan kon Sion? Kon onda in datunea in tanaa?” Tubag i Tuhan, datu monia, “Nongonu sin iko in tumungkudbí mosumba kon dewa mita inta beresibí diá in mangaḻenea? Nongonu sin pinonakitmubí in gina-Ku pinongin nosumba kon berhala mita?”

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

HOSEA 10:3

Diádon moonggot bo moguman in mosia, “Kita in diádon ko datu sin kita in diá motoguondok kon i Tuhan. Onu in mangaḻenea in datu tobatú kon i naton?”

HOSEA 13:4

Ki Tuhan in noguman, “Akuoibí in ki Tuhan Allahmu, inta nodia kon i monimu iḻumuai nongkon Mesir. Moiko in diábí ko Allah ibanea koḻikudbí in Akuoi. Tongábí Aku-Akuoi mita in mopoposaḷamatmu.

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

HOSEA 7:7

Kon bonu in torúnea, mosia in noḻimod kon itoi mita monia. Bayongan in datu monia ain iḻimod noyo-noyodudui. Táe umpaka kaadaan nádomai tua in koraatnea, yo diábí doman tobatúmai in nosambayang kon i-Nakó sin mokituḷung.”

HOSEA 8:4

Umat-Ku in nomiḻí kon datu táe diá muna noḻibó kon i-Nakó. Mosia in noduí kon itoi táe diá noguman kon i-Nakó. Mosia in nogamá kon buḷawan bo saḷaka monia bo nomia kon patong berhala inta nokopopisí kon kinorimumudan monia tontaní.

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

YOHANES 1:49

“Pak Guru, guman i Natanael, ki Amá in ki Adí i Allah!”

SAMUEL 1 8:7

bo ki Tuhan in noguman, “Duduiaidon in bayongan inta pinoigum in bangusa tatua kon inimu. Sin deemanbí iko in kinodoí monia, táe Akuoibí. Doídon in mosia aka Akuoi in mobaḻí datu monia.