HOSEA 13:1 - Alkitab Singog In Mongondow Masa In Tanaa

¹ Dungkuḷmai suku in Epraim ihoromat dá aka oyúon in parenta nongkon suku tatua, suku mita ibanea kon Israel in moondok. Táe suku in Epraim in binaradosa popisí in nosumba kon Baal, tuamai sia in moinggamábí.

HOSEA 13:1 Iomraidhean Croise

KINOBAḺIAN 2:17

koḻikudbí in bungai pangkoi in kayu inta mobogoi in pongotahuan soaḷ inta mopia bo inta moraat. Bungainea diábí motaaumu kaanon; aka iko mokaan yo nopastibí kon matoi iko kon singgai doman tuata.”

DATU MITA IMITÁNEA 12:25

Naonda in nobaḻí datu in Israel, ki Yerobeam noginropotdon kon kotá in Sikhem kon butá in buḷud in Epraim, bo nogutun kon tua notoyong. Onda intua minayá bui in sia nongkon tua bo noginropot kon kotá in Pnuel.

AYUB 29:21

Intau mita kibio-biómai, aka akuoi mononggina; bayongan in singogku komintan indongogan monia kopiaan.

AYUB 29:22

Mopaḷut mako mosingog in akuoi, diá bidon in paraḷu dugangan; tosingogon moitonop naonda bo totuyú in tubig in uyan.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

YESAYA 66:2

Dunia naa in ḻima-Ku tontaní in nomia, dá tua komintan in pinomia. Táe koibog-Ku in intau inta moompá in dodia, inta nomanasaḷ in nogaid kon dosanea mita, inta moondok bo inta motoindudui kon i-Nakó.

YESAYA 7:8

sin Siria in diábí moropo-ropot nongkon Damsyik iná in kotánea, bo Damsyik in diábí moropo-ropot nongkon i Datu Rezin. Umpaka kon bonu in onom nopuḷú bo ḻima notaong, Israel in mosila-silaibí modapot in diádon monahang saḷaku bangusa.

HOSEA 11:2

Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 2:10

Pilangankubí in sia kon tayowon in bayongan in intau inta nosiug takinnea. Diábí tobatúmai in kon sigad monia in mokopoḷuat kon inia nongkon kawasa-Ku.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

HOSEA 8:4

Umat-Ku in nomiḻí kon datu táe diá muna noḻibó kon i-Nakó. Mosia in noduí kon itoi táe diá noguman kon i-Nakó. Mosia in nogamá kon buḷawan bo saḷaka monia bo nomia kon patong berhala inta nokopopisí kon kinorimumudan monia tontaní.

PINOGIAPAN 10:22

Moiduduimai kon tua in lasikar inta kon siungon in bandera pinonobatúan in suku i Epraim, naa in tangoi monia: Ki Elisama adí i Amihud nobaḻí itoi kon pipidan suku i Epraim,

PINOGIAPAN 13:16

Tuata in intau mita mononoimata inta pinotabá i Musa monaridi kon butá tatua. Ki Hosea adí i Nun binaḷuaian i Musa in tangoinea ki Yosua.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.

YOSUA 3:7

Ki Tuhan noguman kon i Yosua, “Pinangkoi kon singgai in naa iko baḻíon-Kudon intau moḷoben dá bayongan intau in Israel mohoromatdon kon inimu bo kotaauandon monia kon Akuoi in kotaki-takinmu ná doman Akuoi nonakin kon i Musa.

HAKIM MITA 12:1

Kon tungkuḷ intua suku in Epraim nosadiadon sin moparang, bo minayá iḷumoḷan kon Ongkag in Yordan nopobayá ná Zapon. Mosia in noguman kon i Yepta, “Nongonu sin iko in minayá nonubu kon bangusa in Amon tongá diábí nonongganut kon inami? Tanaa in turubondon nami in iko takin tombonu in baḷoimu.”

HAKIM MITA 8:1

Intau in Epraim noguman kon i Gideon, “Nongonu sin kami in diábí inanutan kon tungkuḷ in iko nobuat sin mayá monubu kon intau in Midian? Nongonu sin pinomiamubí natua in kami?” Natuata in unsingog monia kon i Gideon.

SAMUEL 1 15:17

Ki Samuel in noguman, “Tantú kinotaauanbí i Tuang Datu, kon umpakabí kon raianmu tontaní ki Tuang Datu naa in mointok táe binaḻí bidon itoi kon suku mita in Israel? Bo iko nion in binarakatandon i Tuhan nobaḻí datu kon Israel,