HOSEA 12:2 - Alkitab Singog In Mongondow Masa In Tanaa

² Bayongan yagi-yagi inta pinomia in intau in Israel nongkon doḷo-doḷom nodapot in doḷom diá in mangaḻenea bo sipatnea in moyopúbí naonda bo tompot nongkon pomukaan. Aid motombogá bo moḻingá kodugang-kodugang kon sigad monia. Mosia in nomia kon dodandian noyotakin i Asyur bo nodia kon ḷana minayá in Mesir nobaḻí tomponuot yoyobayatan.”

HOSEA 12:2 Iomraidhean Croise

DATU MITA 2 17:4

Táe kon wakutu tobatú, ki Hosea in nopotabá in totabá kon i So datu in Mesir sin mopoigum in totuḷungnea. Bo ki Hosea in nogogaidon in noguboḻi kon iba taongan kon i Asyur. Naonda in kinotaauan i Salmaneser in aid i Hosea tatua, dinomoknea in ki Hosea bo binonunea kon ponjara.

MAZMUR 78:36

Táe mosia in nongakaḷ kon i-Nia, tosingogon mita monia komintan uboḷ.

MOHOHUTUBA 5:15

Totuu mokorobonoḷ kon gina intua! Kita in mayá ná kon dodai in kita namangoi tanaa. Kita in simiḷopí in momatuk kon tompot, bo onu in mouḻí?

YESAYA 10:12

Táe ki Tuhan in noguman, “Aka inta aidan-Ku kon Buḷud in Sion bo Yerusalem tatua ain nopaḷut, Akuoi in mohukumbí kon datu in Asyur popisí in ḷoḷatú bo dodianea.”

YESAYA 10:6

Akuoi in nopotabá mangoi kon Asyur sin monubu kon bangusa-Ku inta nonaḷámai kon i-Nakó bo nopomuká kon torú-Ku. Akuoi in nopotabá in Asyur sin mogagow bo monakow bo moritak kon bangusa-Ku naonda bo ḷobud kon daḷan.”

YESAYA 24:21

Kon dodai intua ki Tuhan in mohukumbí kon mongongawasa mita in ḷangit bo datu mita kon dunia.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

YESAYA 30:6

Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia.

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YEREMIA 25:31

Modapot kon popod in butá singog-Nea in kodongogan; ki Tuhan in momia kon pelekara kon bangusa mita. Bayongan in intau in sisiganbí bo inta moraat in hukumonbí matoi.’ ”

HOSEA 2:13

Akuoi in mohukumbí kon inia popisí in singgai mita inta pinakénea motubá kon kamania kon i Baal, bo mopotaingkat pongin ḷambánea sin momatuk kon intau mita inta kinoibognea, bodongka moḻiong kon i-Nakó totu-totuu. Akuoi, ki Tuhan ain nosingog.”

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.

HOSEA 4:9

Dá moiko in mororigabí naonda bo rayat! Hukumon-Kubí in moiko podudui in oaid monimu.

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!

HOSEA 7:2

Diábí kon dodai in onda in noiraimai kon i monia kon toropon-Kubí in bayongan in aid moraat tatua. Táe dosa mita monia in noikoḷobdon kon i monia dá nosilangdon totok kon mata-Ku.”

HOSEA 8:10

Táe sipunon-Kubí bo hukumon in mosia. Diádon moonggot bo mosia in mogongot popisí in monakit, aka mosia dorotondon i datu in Asyur.

HOSEA 8:13

Mosia in moibog moposumba in kuruban kon i-Nakó, bo mokaan kon ponoyá pinokuruban tatua, táe Akuoi ki Tuhan, in diábí moibog kon kuruban mita tatua. Tanaa in toropon-Kudon in dosa monia bo mohukum kon i monia popisí in dosa mita tatua; Akuoi in mokidiabí bui kon i monia pobui kon Mesir!

HOSEA 8:9

Naonda bo keledai ḻindong inta iḷumoḷongon, natuata in intau mita in Israel dinumudui kon ibog mita monia tontaní. Mosia in notayak kon totuḷung nongkon Asyur, bo notaḷui kon yoyobayatan in bangusa mita ibanea.

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

AMOS 2:4

Ki Tuhan in noguman, “Intau in Yohuda ain nopobui-buimai binaradosa, tuamai in notantú bidon kon hukumon-Ku in mosia. Mosia in iḻimimpatdon kon parenta-Ku mita bo doí nopandungmai kon totundú-Ku mita. Mosia in pinoḷangkam in ilah mita ibanea inta sinumba in mogoguyang monia.

MIKHA 6:2

Ei buḷud mita, ei apad mita in butá, indongogaidon in onu pinotaau i Tuhan! Oyúon in pelekara-Nea takin Israel umat-Nea bo tuntuton-Neabí in mosia.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

SURAT I PAULUS KON JAMAAT RUM 2:6

Ki Allah in mobogoibí in tontuḻínea podudui in oaid monia.

GALATIA 6:7

Dika moibog uboḷan. Sin ki Allah in diábí motaau in pogogitogan! Sin onu in pomuḷaan intau yo tuabí doman in sipuonnea.