HOSEA 12:1 - Alkitab Singog In Mongondow Masa In Tanaa

¹ Ki Tuhan in noguman, “Bangusa in Israel iḻimibu kon i-Nakó pinongin uboḷ bo tompobaḻik; bangusa in Yohuda umuran moḷawang kon i-Nakó, ki Allah Inta Mokudus bo inta mosatia.

HOSEA 12:1 Iomraidhean Croise

KINOBAḺIAN 41:6

Noiduduimai kon tua nobiag doman monik in batoḷ in gandum pitu ibanea, inta nokepa bo noḷaotdon sin inirup in tompot in pomukaan.

DATU MITA 2 15:19

Naonda in ki Pul datu in Asyur nonubu kon Israel, ki Menahem nobogoi kon inia in 34.000 nokilo in saḷaka sinbá sia in motuḷung moginrigon kon kawasa i Menahem kon Israel.

TAWARIKH 2 21:11

Nodapotbí in sia noposindog in tampat mita pososumbaan kon berhala kon butá in buḷud in Yohuda, bo nokopopisí kon rayat in Yohuda bo Yerusalem binaradosa kon i Tuhan.

MAZMUR 78:36

Táe mosia in nongakaḷ kon i-Nia, tosingogon mita monia komintan uboḷ.

YEREMIA 2:36

Moḷamemet totok in moiko in mayá kon dewa mita in bangusa ibanea sin mokituḷung! Moiko in notantú bidon kon pokudaion in Mesir, notongkai in moiko pinokudai in Asyur.

YEREMIA 22:22

Tuamai, itoimu mita in modaitbí naonda bo inirup in tompot. Totakinmu mita in akutonbí mobaḻí intau sinokodakop, bo kotámu in poompáanmai bo pokopooyáanmai popisí in bayongan aidmu moraat.

YEREMIA 7:15

Moiko in poguntunon-Ku nongkon tayowon-Ku ná inta pinogoguntun-Ku kon ginaḷum motoḷuadímu, umat in Israel.”

OMBAḶ 5:6

Kami in minayá noigu-igum mako kon Mesir, kami in noigum kon kaanon kon Asyur.

YEHEZKIEL 17:10

Totuu kon sia in noimuḷadon noropot, táe umuran degá in sia mobiag poḷat in modugang mobayong? Degá diá moḷaḷow in sia aka irupon in tompot in pomukaan? Degá diá moingkag in sia kon tampat inta pinomuḷaan kon inia?”

HOSEA 11:9

Iko in diábí hukumon-Ku kon bonu in torú-Ku; iko in diá bidon rimumudon-Ku bui. Sin Akuoi in ki Allah, deemanbí intau. Akuoi, Inta mokudus, kotaki-takinmu, bo doí bidon tumorú kon inimu.”

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 4:19

Tuamai in mosia in moinggamábí naonda bo inirup in tompot. Mosia in mooyábí popisí in kuruban mita inta pinosumba monia kon dewa mita.

HOSEA 5:13

Bangusa in Israel bo bangusa in Yohuda nonotaaudon kon kaadaannea inta diá mopia, dá Israel minayá in Asyur bo mopoigum in totuḷung kon i datu moḷoben. Táe ki datu tatua in diábí mokotuḷung andeka monompia bui kon kaadaan monia.

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

HOSEA 7:11

Israel in uik-untag naonda bo ḷagapan paḷoma inta bodok. Dungkuḷ intaunea mita in mokituḷung kon Mesir, onda intua mosia in noḷagui minayá in Asyur!

HOSEA 8:7

Umat-Ku in noponimboi in tompot dá mosia in mokoyutbí kon deḷang! Gobá in gandum monia in diábí dumarag, dá diábí mobogoi in topong kaanon. Táe aka gobá tatua bo dumarag doman, dá gandumnea in gamáanbí komintan in bangusa mita ibanea.