HOSEA 11:7 - Alkitab Singog In Mongondow Masa In Tanaa

⁷ bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”

HOSEA 11:7 Iomraidhean Croise

MAZMUR 81:11

Akuoibí in ki Tuhan Allahmu, inta nodia kon i monimu iḻumuai nongkon Mesir. Kon dodai in moiko ginogoi moiko inogoian-Ku in kaanon.

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

YESAYA 26:10

Umpaka intau moraat pinopoaidan in inta mopia, diábí doman in sia mobalajar kon onu inta mobanar. Kon negara inta oyúon in hukum sia in mopoaidbí doman kon inta motombogá, bo doíbí motarima kon kawasa i Tuhan.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 3:11

Onda intua ki Tuhan nopotaau kon inakó kon umpaka Israel nonoḻikudon kon i-Nia, táe Israel in noniata magí in mopia-piabí kon Yohuda inta diá motoindudui tua.

YEREMIA 7:25

Pinangkoi kon mogoguyangmu iḻumuai nongkon Mesir nodapot in singgai naa Akuoi in umuranbí nopotabá mangoi kon mogogundoi-Ku mita, nabi mita, namangoi kon inimu.

YEREMIA 7:26

Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

YEREMIA 8:5

Táe nongonu sin moiko, umat-Ku in umuranbí monoḻikud bo monaḷámai kon i-Nakó? Moiko in rimigonbí in kumadai kon berhalamu, bo doí mobui mangoi kon i-Nakó!

HOSEA 11:2

Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

HOSEA 4:16

Moiko, ei intau in Israel, totuu motogat in gina! Naondabí in poḷoḷukad-Ku kon i monimu naonda bo domba kon rawang in bonok?”

HOSEA 7:16

Mosia in umuran bidon dumudui kon dewa mita inta beresibí diá in kawasa onu bo onu. Mosia in diábí motaau pongata naonda bo piot inta nopupud. Itoi mita monia in dumodia in mosingog, tuamai in ḻimodonbí in mosia in kedang, bo kosingan in intau mita in Mesir.”