HOSEA 11:4 - Alkitab Singog In Mongondow Masa In Tanaa

⁴ Takin ḻimbatú in tabi-Ku, pinodiug-Ku in sia kon i-Nakó. Bayongan in roriganea ininggaanan-Ku, bo takin pia in gina inogoian-Ku in kaanon in sia.

HOSEA 11:4 Iomraidhean Croise

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

MAZMUR 105:40

Mosia in nopoigum, bo pinopoangoi-Neadon in ḷagapan onggo-onggoyung, mosia in inogoian-Nea in roti nongkon soroga nodapot in nobotug.

IḶUAIAN 16:32

Ki Musa in noguman, “Ki Tuhan noguman kon i naton kon doyowa noliter in manna sin tagúon kon buí naton, sinbá mosia mokoontong doman kon kaanon inta inogoi Tuhan kon i naton kon tungkuḷ in kita kon padang gurun, kon tungkuḷ in kita dinia-Nea iḻumuai nongkon Mesir.”

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

HOSEA 2:8

Ki inámu diábí kon dodai in onda in akuonnea kon Akuoibí in nobogoi kon inia in gandum, anggur, ḷana zaitun, bo bayongan in buḷawan, saḷaka inta pinakénea nosumba kon Baal tatua.

IMAMAT 26:13

Akuoi, ki Tuhan Allahmu, inta nodia kon i monimu iḻumuai nongkon butá in Mesir sinbá moiko in diádon mobaḻí ata bui. Kawasa inta mondorot kon i monimu pinutoḷan-Kudon, bo moiko in binaḻí-Kudon intau inta noiḷuat kon roriga.”

YOHANES 12:32

Táe Akuoi naa, aka Akuoi aindon poḷantudon kon dunia naa, yo daiton-Kudon diaan in intau inta mamangoi kon i-Nakó.”

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.

ULANGAN 32:12

natuata ki Tuhan tontaní in nodia kon umat-Nea, diábí in ilah ibanea in sinumakin kon inia.

ULANGAN 32:14

Sapi bo bembé domba monia mobogoi in susu inta mobarong; bobiagon monia totok in mongopia, gandum bo tubig in anggur monia in totok mopia.