HOSEA 11:2 - Alkitab Singog In Mongondow Masa In Tanaa

² Táe kokakit-kokakit in oiní-Ku kon i adí-Ku tatua koyayú-koyayú domandon in sia kon i-Nakó. Sia in nodia kon kuruban bo notubá kon kamania kon i Baal bo dewa mita ibanea.

HOSEA 11:2 Iomraidhean Croise

DATU MITA IMITÁNEA 18:19

Tanaa, parentaaidon in bayongan rayat in Israel sin moyodungkuḷku kon Buḷud in Karmel. Dia doman in opat nogatut bo ḻima nopuḷú in nabi Baal bo opat nogatut in nabi i Dewi Asyera tatua inta inuboḻian i Izebel ki buḷoi datu!”

NEHEMIA 9:30

Pomuḷoi in taong mosabar in Iko mobogoi in tompoingat kon i monia; pinongin in nabi, Roho-Mu in moguman kon i monia. Táe umat-Mu tatua in momompon kon bongoḷan, bo pinosarakan-Mu kon bangusa mita inta kon dunia naa.

YESAYA 65:7

popisí in dosa monia bo dosa in mogoguyang monia. Mosia in nopoompámai kon i-Nakó pinongin notubá kon kamania sin posumba kon dewa mita kon tampat pogogundoian kon tombuḷud mita. Akuoi in motuḻíbí kon i monia podudui in oaid monia dungkuḷmai.”

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEREMIA 44:5

Táe moiko in doí mokidongog bo doí monondudut. Moiko in doíbí mogogai in mogaid kon inta moraat, tuata in moposumba in kuruban kon dewa mita.

HOSEA 11:7

bo tumontogat kon monaḷámai kon i-Nakó. Dá mosia in kodorotanbí, táe diábí in mopoḷuat kon i monia umpakabí mosia momaḷú mokituḷung.”

HOSEA 2:13

Akuoi in mohukumbí kon inia popisí in singgai mita inta pinakénea motubá kon kamania kon i Baal, bo mopotaingkat pongin ḷambánea sin momatuk kon intau mita inta kinoibognea, bodongka moḻiong kon i-Nakó totu-totuu. Akuoi, ki Tuhan ain nosingog.”

HOSEA 4:13

Kon tampat mita pososumbaan kon berhala inta kon tudu mita in tombuḷud bo buḷud, moiko in moposumba in kuruban, bo motubá kon kamania kon siungon in pangkoi mita in kayu moḷoben inta nongobambar kon tua sin tampat tatua in nooḷom. Táe onu in bungainea? Mongodeagamu mita nobaḻí sundaḷ bo mototakamu mita bobay in nokituaḻing!

HOSEA 4:17

Umat in Israel ain nongibog totok kon berhala. Tuamai in pomayádon mako in mosia.

ZAKHARIA 1:4

Dikadon ná mogoguyangmu. Dungkuḷmai nabi mita nopotaau in koyow-Ku kon i monia sinbá mosia in dikadon bui mogaid kon inta moraat bo dosa. Táe diá in mosia nopandungmai bo doí tumoindudui kon i-Nakó.

ZAKHARIA 7:11

Táe umat-Ku motontogat in uḷu bo totokbí in doí mokidongog; mosia in nomaḷon kon bongoḷan monia sinbá diá mokodongog.

LUKAS 13:34

Yerusalem, Yerusalem! Nabi mita sinokoḻimodmu! Totabá mita i Allah sinokoarab monimu in batu nodapot in minatoi! Aindon kotongonu degá Akuoi in moibog mosipun kon intau mita inta kon kotámu, naonda bo ki iná in manuk mogoob kon i adínea mita, táe moiko in doíbí!

YOHANES 3:19

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

OUMAN IN RASUL MITA 7:51

Nádomai tua in kinototogat in gina monimu nion. Totokbí in mororiga didikon kon bá motoindudui kon i Allah! Diábí indongogan monimu in singog i Allah! Moiko nion in naonda bo mogoguyang mita monimu; umuran diá mokidongog kon Roho i Allah.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

HAKIM MITA 3:7

Umat in Israel binaradosa kon i Tuhan, ki Allah monia. Mosia nokoḻiong kon i-Nia nodapot in mosia nosumbadon kon berhala mita i Baal bo i Asyera.