HOSEA 10:9 - Alkitab Singog In Mongondow Masa In Tanaa

⁹ Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.

HOSEA 10:9 Iomraidhean Croise

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

HOSEA 10:10

Akuoi in monububí kon intau mita inta binaradosa tatua, bo mohukum kon i monia. Bangusa mita in moyodugangbí sin monayow kon i monia, bo mosia in hukumon popisí in dosa monia inta mobayong tatua.

HOSEA 10:8

Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

HAKIM MITA 20:5

Onda intua intau mita in Gibea namangoi wakutu in doḷom sin motayak kon inakó. Iḻipungdon monia in baḷoi inta pinongandupanku sin makusud moḻimod kon inakó, táe onda intua mosia in nomogutú kon i buḷoiku ibanea tatua nodapot in minatoi.