HOSEA 10:8 - Alkitab Singog In Mongondow Masa In Tanaa

⁸ Kuil mita kon tombuḷud mita kon Betel tampat in intau in Israel mosumba kon berhala, in rimumudon. Dugi bo bonok in mobiagbí kon mezbah monia. Bo mosia in momaḷúbí kon buḷud mita, “Bumbunaidon in kami!” bo kon tombuḷud mita, “Dantugaidon in kami!”

HOSEA 10:8 Iomraidhean Croise

KINOBAḺIAN 3:8

Moḷoḷabung tua dinongog monia kon ki Tuhan Allah namangoi in taman, bo nogadop in taya dua kon sigad in pangkoi in kayu mita inta kon bonu in taman tatua sinbá diá ontongon i Tuhan.

DATU MITA IMITÁNEA 13:2

Podudui in parenta i Tuhan nomaḷúdon in nabi tatua kon mezbah tatua, “Ei mezbah, ei mezbah! Nanaabí in guman i Tuhan, ‘Adí tobatú inta tangoian ki Yosia in pononggadíbí nongkon motoḷuadí i Daud. Kon tudumu naa, ei mezbah, ḻimodonnea in imang mita inta mopobayá in oaidan monia kon tampat pososumbaan kon dewa, bo inta ain doman noposumba in kuruban kon tudumu. Bo kon tudumu doman nion in potubáannea kon tuḷan mita in intau.’ ”

DATU MITA IMITÁNEA 13:34

Oaidnea inta moraat tatua nokopopisídon kon buínea in nobodito bo noyopú komintan.

DATU MITA IMITÁNEA 14:16

Ki Tuhan in monaḷábímai kon Israel sin ki Yerobeam in binaradosa bo nokopopisídon kon intau in Israel binaradosa domandon.”

DATU MITA 2 23:15

Sia in nomoguyaat doman kon tampat pososumbaan kon Betel inta pinosindog i Datu Yerobeam adí i Nebat – datu inta ain nokopopisí kon intau in Israel nogaid kon dosa. Bo ki Yosia in noḷosi kon mezbah kon tampat pososumbaan tatua, bo sinubánea takin patong i Dewi Asyera inta kon tua.

TAWARIKH 2 31:1

Naonda in nopaḷut in pinorayaan, bayongan in rayat minayá kon batúan in kotá kon Yohuda, bo norimumud kon tugu mita in berhala, nogumpag kon patong mita inta pinosindog kon i Dewi Asyera, bo norumbun kon mezbah mita takin tampat mita pososumbaan kon berhala. Mosia in nogaid doman kon natua kon tampat mita ibanea kon Yohuda, bo kon butá in Benyamin, Epraim bo Manasye. Nopaḷut mako kon tua mosia in nobuidon kon tampat monia tontaní.

YESAYA 2:19

Kon dodai in ki Tuhan simindog bo modandú kon butá, intau in tumuotbí kon bonu in angob mita kon buḷud mita in karang andeka mongaḻi kon bubú kon bonu in butá sinbá moiḷagui kon torú i Tuhan bo nongkon kawasa-Nea inta moḷantud. Aka singgai tatua in moiangoi, berhala mita saḷaka bo buḷawan inta pinomia bo sinumba monia tua in taḷaanbí mako natua ogoi kon boyod bo poniki.

YESAYA 32:13

sin butá in bangusaku kinobiagan in mainggoa bo bonganga. Oo, ombaḷaidon in baḷoimu mita tampat pobobarasanangan in intau bo kotá inta nopuḻing in rame!

YESAYA 34:13

Purinea mita bo kotánea mita inta oyúon in poḷoḷukadan in kobiagandon in bo bonganga bo bonok, bo pogutunan in ungkú in kayuon bo ḷagapan unta.

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

HOSEA 10:5

Intau inta nogutun kon kotá in Samaria in moondok; mosia bo imang mita inta mogundoi kon sapi buḷawan kon Betel tua in moajarbí in gina bo mongombaḷ popisí in bayongan inta kogaga in berhala monia tatua in noinggamádon.

HOSEA 10:9

Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.

HOSEA 2:6

Tuamai kurungon-Ku in sia kon ruak in bo bonganga, bo moḷamboi kon daḷannea takin tondokon in dinding.

HOSEA 4:13

Kon tampat mita pososumbaan kon berhala inta kon tudu mita in tombuḷud bo buḷud, moiko in moposumba in kuruban, bo motubá kon kamania kon siungon in pangkoi mita in kayu moḷoben inta nongobambar kon tua sin tampat tatua in nooḷom. Táe onu in bungainea? Mongodeagamu mita nobaḻí sundaḷ bo mototakamu mita bobay in nokituaḻing!

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

HOSEA 8:5

Akuoi in doíbí kon sapi buḷawan inta sinumba in intau in Samaria. Akuoi in sinumorúbí totok kon i monia. Modapot in toonu in mosia in umuran mopokotormai kon awak pongin mosumba kon berhala?

HOSEA 9:6

Aka bodito moiangoi, bo moiko in diaan kon butá ibanea, dá inta kinotaḷáan kon sigad monimu in sipunonbí in intau mita in Mesir sin ḻimodon bo ḷobongon kon Mempis! Bonok bo dugi in mobiagbí moikoḷob kon tampat mita inta pinobaḷoianmu koḻipod bo pakakatmu mita saḷaka inta koboḻi.

AMOS 1:5

Bonawang mita in Damsyik in poguyaaton-Kubí, bo intau in Ḷopá in Awen in simpatan-Ku kodariton nongkon pogogutunan monia. Mongongawasa in Bet-Eden in poponagon-Kubí nongkon ḷoḻitúan pomarentaannea, bo intau in Siria in dakoponbí poḷat diaan kon butá in Kir.”

AMOS 3:14

Kon singgai hukumon-Ku in intau in Israel popisí in dosanea, yopúon-Kubí in mezbahnea mita kon Betel. Batúan in mezbah putoḷanbí in ubungnea mita dá moḷabú kon butá.

AMOS 7:9

Tampat mita inta pinaké in buí i Ishak poibadaan in rimumudonbí. Tampat mita motusi in intau in Israel in umpagon. Yopúon-Kubí in buí i Datu Yerobeam.”

AMOS 8:14

Intau mita inta nongibot pinodoyon kon berhala in Samaria takin moguman, ‘Podoyon kon dewa in bangusa in Dan’, andeka ‘Podoyon kon i Dewa Bersyeba’ – in moḷabúbí bo diádon mobangon bui.”

MIKHA 1:13

Moiko intau in Lakhis, pasdon in kabaḷo kon kereta in parang! Moiko in dinumayan kon dosa mita inta inaidan kon Israel dá nokopopisí kon Yerusalem in binaradosa domandon.

MIKHA 1:5

Bayongan tua in mobaḻíbí popisí in intau in Israel binaradosa bo nomarontak kon i Allah. Ki ine in nokopopisí kon Israel binaradosa? Tuata in Samaria inta ki iná in kotánea tontaní! Ki ine in nokopopisí kon Yohuda nosumba kon berhala? Yerusalembí tontaní ah!

NAHUM 3:11

Ei Niniwe, iko in togopuḷongonbí doman popisí in noḷoḷangu. Iko in moḷongasibí doman sinbá moiḷagui nongkon musungmu mita.

LUKAS 23:30

Kon wakutu intua intau mita in moguman kon buḷud mita naa, ‘Dantugaidon monag in inami naa!’ Bo kon tombuḷud mita, ‘Bumbunaidon mangoi in kami naa!’

ULANGAN 9:21

Patong sapi inta pinomiamu, pinogambatku kon bonu in tuḷú. Bo irimumudku bo dinodok nodapot in noyimok totok naonda bo ḷobud, bo ḷobud tatua pinogambatku kon bonu in tapá inta noiḻig nongkon buḷud tatua.

WAHYU 6:16

Bo mosia in nomaḷú in noguman kon batu mita, “Bumbunaidon in kami! Bo bunidon kon i-Nia inta iḻimitú kon tampat pomomarentaan tatua bo nongkon torú Adí in Domba tatua!

WAHYU 9:6

Kon bonu in ḻima nobuḷan tua mosia moramuji bá matoidon, táe diápabí matoi in mosia; mosia in moibogdon matoi, táe noyayúpabí in popatoi kon i monia.