HOSEA 10:3 - Alkitab Singog In Mongondow Masa In Tanaa

³ Diádon moonggot bo moguman in mosia, “Kita in diádon ko datu sin kita in diá motoguondok kon i Tuhan. Onu in mangaḻenea in datu tobatú kon i naton?”

HOSEA 10:3 Iomraidhean Croise

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

DATU MITA 2 15:13

Kon taong intoḷu nopuḷú bo siow kon pinomarentaan i Datu Uzia kon Yohuda, ki Salum ki adí i Yabesh in nobaḻí datu in Israel. Sia in nomarenta kon Samaria tongá tobuḷan

MAZMUR 118:9

Mopia-piabí in mosingayow kon i Tuhan, dika in mongamang mako kon dodatuon.

MAZMUR 12:4

Popogogaidon in tosingogon mita inta modondouḷug tua, Tuhan, tukumaidon in intau mita inta moambungangaḷ,

YESAYA 5:19

Gumanmu, “Pomayádon ki Tuhan Allah in Israel in ḷagidon mogaid kon onu in koibog-Nea! Pomayádon mako Sia in mogaid kon tomayá-Nea, sinbá ontongon naton bo monotaau.”

HOSEA 10:15

Tuata in mobaḻí kon i monimu, ei intau in Betel, popisí in moiko ain nogaid kon inta moraat totok. Kon dodai in modiug mobayag, naonda in parang momangkoidon, ki datumu in matoidon.”

HOSEA 10:7

Samaria in morimumudbí bo datunea in diaan mayá naonda bo kayu topongkó inta iniḻig in tubig.

HOSEA 11:5

Intau mita in Israel tatua in doí mobui mangoi kon i-Nakó, tuamai in mosia musti mobui mayá in Mesir, bo bangusa in Asyur in momarentadon kon i monia.

HOSEA 13:10

Inigum monimu in datu bo itoi, táe kon onda in tanaa in mosia? Mokoposaḷamat degá in mosia kon rayatmu?

HOSEA 13:11

Takin rogi inogoi-Ku in datu kon inimu, bo takin rokokot in bagang inirud-Ku bui in mosia.”

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

MIKHA 4:9

Nongonu sin iko in mongombaḷbí totok in moropot? Nongonu sin iko in mororigabí naonda bo bobay inta mononggadí? Eta degá popisí in iko diádon in datu, bo mononongginamu aindon minatoi?

YOHANES 19:15

Mosia in nomaḷú, “Ḻimodon in Sia! Ḻimodon in Sia! Popopakúdon Sia kon kayu pinoyotaḻempang!” Ki Pilatus in noḻibó, “Musti degá in akuoi in mopopakú kon kayu pinoyotaḻempang kon i datumu?” Imang mita itoi notubag, “Tongábí ki Kaisar in datu nami!”

SAMUEL 1 12:25

Táe aka moiko umuran doman momia kon dosa, dá moiko bo datumu in moyopúbí.”