HOSEA 10:13 - Alkitab Singog In Mongondow Masa In Tanaa

¹³ Táe inaidanmu in noyotuuibí; iko in noḷongasibí kon inta moraat, bo nokoyut kon inta diá moadil. Iko in nokaandon kon bungai mita in uboḷmu.” Ki Tuhan in noguman bui, “Ei bangusa in Israel, popisí in moiko nopongata in kereta mita in parangmu bo kobayong in tontaramu,

HOSEA 10:13 Iomraidhean Croise

AYUB 4:8

Kinotaauanku sin noindoi magí-mako kon intau inta mogaid kon inta diá mopia, bo moponimboi in bibit in bodito naonda bo batoḷ in pinomuḷa, yo mokoyutbí kon bodito bo roriga!

MAZMUR 33:16

Datu in diábí nountung popisí in nobarong in tontaranea, prajurit in deemanbí nosaḷamat popisí in ropotnea.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

AMSAL 1:31

Tuamai, korasaanbí monimu in bungai in aidmu mita bo tomayámu mita inta moraat.

AMSAL 12:19

Uboḷ in moibukábí doman kon bonu in tongá tokokiap in mata, táe tosingogon mita inta mobanar in mononoibí.

AMSAL 13:2

Tosingogon in intau mopia mokopoangoi kon kauntungan; intau inta diá motuḻid in gina moibog kon aid moromú.

AMSAL 19:5

Intau inta monguboḷ kon pongadilan, diábí moisimparut kon hukuman.

AMSAL 22:8

Intau inta moponimboi in tombogá in mokoyutbí kon bodito; imbuitnea kawasanea mogaid kon onu in koibognea in moinggamádon.

MOHOHUTUBA 9:11

Kon dunia naa oyúonpa doman in inontongku: kon totandingan in diábí umuran intau inta moḻikat in mokountung, kon poparangan in diábí umuran intau moropot in mountung. Intau mobijaksana in diábí umuran mokouḻí kon oaidan. Bo intau mopandoi in diábí umuran mokouḻí kon kaoyúonan. Bo intau inta motaau totok diábí umuran mobaḻí ponango-nangoian. Sin ki inekabí kotugatanbí in ukur diá mopia.

YESAYA 17:11

Táe umpaka pinomuḷa tatua bayá-bayá monokat bo monobur kon singgai pinomuḷaanmu tua, táe diábí in bungainea. Inta oyúon in tongábí roriga bo porasaan monakit inta diábí moingga-inggamá.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

HOSEA 4:8

Moiko in mobaḻí mooyúon popisí in dosa in umat-Ku, tuamai in ibogon monimu sinbá mosia in umuran mogaid kon dosa.

HOSEA 7:3

Ki Tuhan in noguman, “Pinongin tompobaḻik bo aid mita inta moraat rayat moḷongasi moposanang in gina i datu bo in pojabat mita in pomarenta.

HOSEA 8:7

Umat-Ku in noponimboi in tompot dá mosia in mokoyutbí kon deḷang! Gobá in gandum monia in diábí dumarag, dá diábí mobogoi in topong kaanon. Táe aka gobá tatua bo dumarag doman, dá gandumnea in gamáanbí komintan in bangusa mita ibanea.

SAMUEL 1 24:14

Kinotaauanbí i Tuang Datu in tangkí dungkuḷmai tanaa, ‘Aid moraat in tongábí aidan in intau moraat.’ Tuamai in akuoi in doíbí mopororiga kon i Tuang Datu.