HOSEA 1:1 - Alkitab Singog In Mongondow Masa In Tanaa

¹ Naa in koyow inta inogoi i Tuhan kon i Hosea ki adí i Beeri kon tungkuḷ in dodatuan in Yohuda noyo-noyodudui in pinarenta i Datu Uzia, i Yotam, i Ahas, bo Hizkia, bo dodatuan in Israel in pinarenta i Yerobeam ki adí i Yoas.

HOSEA 1:1 Iomraidhean Croise

DATU MITA 2 13:13

Ki Yoas in minatoi bo iḷobong kon poḷoḷobongan kon datu mita kon Samaria. Ki Yerobeam II ki adínea in nobaḻí datu nonoḻiu kon inia.

DATU MITA 2 14:16

Ki Yoas in minatoi bo iḷobong kon poḷoḷobongan kon datu mita kon Samaria. Ki Yerobeam II ki adínea in nobaḻí datu nonoḻiu kon inia.

DATU MITA 2 14:23

Kon taong impuḷú bo ḻima kon pinomarentaan i Amazia ki adí i Yoas kon Yohuda, ki Yerobeam II ki adí i Yoas in nobaḻí datu in Israel, bo nomarenta in sia kon Samaria 41 notaong in koonggotnea.

DATU MITA 2 15:32

Kon taong nogindua kon pinomarentaan i Datu Pekah adí i Remalya kon Israel, ki Yotam ki adí i Uzia in nobaḻí datu in Yohuda.

DATU MITA 2 15:5

Pinopoumaan i Tuhan in sia in takit kuḻit inta mokoondok, bo nodapot in sia minatoi, takit tatua in diá bidon nopia-pia. Sia in pinotontanídon kon baḷoi tobatú pinopoyayú bo pinoḷuat kon oaidannea mita. Ki Yotam ki adínea ḷoḷaki in nomarenta saḷaku oḻitnea.

DATU MITA 2 15:7

Ki Uzia in minatoi bo iḷobong kon poḷoḷobongan kon datu mita kon Kotá i Daud. Ki Yotam ki adínea ḷoḷaki in nobaḻí datu nonoḻiu kon inia.

TAWARIKH 2 27:1

Ki Yotam in nobaḻí datu kon dodai in umur doyowa nopuḷú bo ḻima notaong, bo sia in nomarenta kon Yerusalem mopuḷú bo onom notaong in koonggotnea. Ki inánea in ki Yerusa ki adí i Zadok.

TAWARIKH 2 28:1

Ki Ahas in nobaḻí datu kon dodai in umur doyowa nopuḷú notaong, bo sia in nomarenta kon Yerusalem mopuḷú bo onom notaong in koonggotnea. Sia in diábí dinumudui kon aid mopia i Datu Daud, mogoguyangnea, táe nogaidbí kon onu inta diá nokosanang kon gina i Tuhan.

TAWARIKH 2 29:33

Nodia doman in mosia kon sapi koḷakian 600 bo domba 3.000 sin posumba bo kaanon moyotakin in bayongan intau inta kon tua.

YESAYA 1:1

Buk tanaa tombonunea in koyow mita kon Yohuda bo Yerusalem inta pinoniata i Allah kon i Yesaya, ki adí i Amos, kon tungkuḷ in ki Uzia, ki Yotam, ki Ahas bo ki Hizkia in nomarenta kon Yohuda.

YESAYA 7:1

Ki Datu Ahas in ki adí ḷoḷaki i Yotam ki ompu i Uzia. Kon tungkuḷ in sia nomarenta kon Yohuda, nobaḻídon in parang. Dá ki Rezin datu in Siria, bo ki Pekah ki adí ḷoḷaki i Remalya datu in Israel, namangoi nonubu kon Yerusalem. Táe mosia in diábí nokoagow kon kotá tatua.

YEREMIA 1:2

Ki Tuhan in nosingog kon i Yeremia kon taong impuḷú bo toḷúnea kon pinomarentaan i Yosia ki adí i Amon datu in Yohuda.

YEREMIA 1:4

Ki Tuhan in noguman kon inakó,

YOËL 1:1

Naa in koyow i Tuhan kon i Yoël, ki adí i Petuel.

AMOS 1:1

Ki Amos in gombala tobatú in domba nongkon kotá in Tekoa. Sia in nobaḻí nabi kon tungkuḷ in butá in Yohuda pinarentaan i Datu Uzia, bo Israel in pinarentaan in Datu Yerobeam, ki adí ḷoḷaki i Yoas. Doyowa notaong kon tungkuḷ in diápa nobaḻí in ḻinug, ki Allah in noponiata kon i Amos in inta mobaḻí mita kon Israel.

YUNUS 1:1

Kon singgai tobatú, ki Tuhan in noguman kon i Yunus, ki adí i Amitai.

MIKHA 1:1

Ki Mikha nongkon kotá mointok tobatú tangoinea in Moresyet. Kon tungkuḷ in butá in Yohuda pinarenta noyodudu-duduimai i Datu Yotam, i Ahas bo i Hizkia, ki Mikha in notarima kon koyow i Tuhan soaḷ Samaria bo Yerusalem.

ZAKHARIA 1:1

Kon buḷan noginwaḷu kon taong nogindua kon pinomarentaan i Datu Darius kon Persia, ki Tuhan in nopotaau in koyow tanaa kon inakó, ki Nabi Zakharia ki adí i Berekhya bo ki ompu i Ido.

YOHANES 10:35

Kinotaauanbí naton kon onu inta ain pinais kon bonu in Buk Motusi umuranbí pakéon, diábí in goga-gogainea. Dá aka ki Allah monangoi ‘ilah’ kon intau mita inta nopirisayadon kon singog-Nea.

SURAT I PAULUS KON JAMAAT RUM 9:25

Sin kon bonu in buk i Nabi Hosea, ki Allah in noguman nanaa, “Intau mita inta deeman umat-Ku, in tangoion-Kudon ‘Umat-Ku’. Bangusa inta diá kotabi-Ku, tangoion-Kudon ‘Kinotabi-Ku.’

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.