HAGAI 1:2 - Alkitab Singog In Mongondow Masa In Tanaa

² Ki Tuhan Inta Totok in mokawasa in noguman kon i Hagai, “Bangusa tanaa in noguman kon deemanpa orasnea moposindog bui in Baḷoi-Ku.”

HAGAI 1:2 Iomraidhean Croise

DATU MITA 2 12:7

Tuamai nogoiní in ki Yoas kon i Imang Yoyada takin imang mita ibanea, bo noguman, “Nongonu sin diápabí doman in moiko nonompia kon Baḷoi Tuhan? Pinangkoi kon singgai in naa diádon motaau in moiko mokadai kon doit inta sinarima monimu. Mustidon ogoi monimu komintan intua sin pakéon ponompia kon Baḷoi Tuhan.”

EZRA 4:23

Naonda in surat i Artahsasta tatua binaca kon i Rehum, kon i Simsai bo kon topotakin monia, ḷagidon nobuat in mosia minayá in Yerusalem bo nomakisa kon intau in Yahudi nopogogai in oaidan moposindog bui in kotá tatua.

NEHEMIA 4:10

Táe intau in Yohuda nomangkoidon nopodondong in dondong amui tanaa: “Ropot naton in nodait sin mogakut kon datog, bokaka apat in nobayongpa totok. Nádon diá mokotongod in kita mogaid nanaa moposindog in dinding in kotá tanaa.”

AMSAL 22:13

Intau momaḷat moibog mogutun mako kon baḷoi; sia in moguman, “Oyúon in singa kon ḷuai, dika-dika bo domokonnea in akuoi kon daḷan.”

AMSAL 29:25

Moondok kon raian in intau, mokopoangoi kon roriga. Popirisaya kon i Tuhan, dá moamanbí in iko.

MOHOHUTUBA 11:4

Ki ine in mogoḷat modapot in tompot bo kaadaan in dunia motompia, yo diábí in sia momuḷa bo diábí doman mogamá kon bungainea.

MOHOHUTUBA 3:3

wakutu moḻimod bo wakutu mongundam, wakutu mongokai bo wakutu moposindog.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

HAGAI 1:1

Kon taong induanea kon pinomarentaan i Datu Darius kon Persia, kon singgai imitánea kon buḷan noginggonom, ki Tuhan in nosingog pinongin i Nabi Hagai. Koyow i Tuhan tatua inogoi kon i Zerubabel ki adí i Sealtiel, gubernur in Yohuda, bo kon i Imang moḷoben Ki Yosua ki adí i Yozadak.

HAGAI 1:3

Onda intua pinongin i Nabi Hagai ki Tuhan in noguman kon umat-Nea,

PINOGIAPAN 13:31

Táe intau mita inta nobui mangoi takin i Kaleb tatua noguman, “Diá, kita diá mokosanggup in monubu kon i monia. Intau mita kon butá tatua in moropo-ropot nongkon inaton.”