ESTER 9:30 - Alkitab Singog In Mongondow Masa In Tanaa

³⁰ Surat tatua in pinoki dia kon bayongan in intau in Yahudi, bo salinannea mita in pinoki dia kon 127 in propinsi in dodatuan Persia. Surat tatua in sinakinan in sambayang sinbá intau in Yahudi umuran mobiag motompia bo moaman.

ESTER 9:30 Iomraidhean Croise

KINOBAḺIAN 23:1

Naonda in ki Sara umurdon mogatut bo doyowa nopuḷú notaong,

ESTER 1:1

Kon Susan, ibukotá in Persia, ki Ahasyweros in nomarenta saḷaku datu. Dodatuan nea in 127 nopropinsi, pinangkoi kon India nodapot kon Sudan.

ESTER 8:9

Kon singgaipa doman tatua, inta kon singgai in doyowa nopuḷú bo toḷúnea, buḷan intoḷunea, buḷan Siwan, ki Mordekhai in nogoiní kon momais mita i datu bo nomarenta kon i monia nomais kon surat mita kon gubernur mita, kon bupati mita bo kon intau mita moḷoben inta kon 127 in propinsi, pinangkoi kon India noidapot in Sudan. Surat mita tatua in pinais kon bonu in singog bo pais in batúan propinsi mita tatua. Sia in nokidia doman in surat kon intau mita in Yahudi inta pinais kon bonu in singog bo pais in Yahudi.

MAZMUR 73:27

Intau inta monaḷámai kon ini-Mu in moboditobí, Iyopú-Mu in intau inta diá motoḷutui kon ini-Mu.

YESAYA 32:17

Kon batúan in intau in mogaidbí kon onu in moitutui, dá oyúon in kobiagan motompia bo moonow modapot in mononoi.

YESAYA 39:8

Ki Datu Hizkia in notubag, “Mopia doman in koyow i Tuhan inta pinotaaumu kon inakó.” Sia in notubag natua sin irainea: “Asaḷ bo dodatuanku in umuran moaman bo modame kon bonu in akuoi mobiagpa.”

ZAKHARIA 8:19

“Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”