ESTER 9:2 - Alkitab Singog In Mongondow Masa In Tanaa

² Kon batúan in kotá, intau mita in Yahudi noyosipun bo notobatú sin monayow kon intau mita inta nonomayá kon inta moraat kon i monia. Bangusa mita kon ondakabí nobaḻídon noondok kon i monia dá diádon in tobatúmai in mokobaḻí monayow kon i monia.

ESTER 9:2 Iomraidhean Croise

KINOBAḺIAN 35:5

Kon tungkuḷ in ki Yakub bo rombongan buḷoi, adí bo ginaḷumnea nobuat, ki Allah nogoḻingoi kon intau mita inta kon kotá tatua, dapot in mosia diá nogaḷow kon i Yakub bo rombongannea.

ESTER 8:11

Surat mita tatua in noguman kon ki datu in nobogoi kon intau in Yahudi kon batúan in kotá sin motobatú bo moḷawang kon musung. Aka mosia bo tubuon in intau mita takin momaké in pakakat in parang nongkon bangusa bo propinsi in ondakabí, yo motaaubí in mosia moḷawang bo moḻimod kon intau mita inta monubu tatua takin ki buḷoi bo ki adínea mita; motaaubí in mosia moyopú kon musungnea mita modapot in modait bo poḷat mogagow kon kapunyaan in musungnea.

ESTER 8:17

Kon batúan in kotá bo propinsi, kon ondaka in pinobacaan kon surat parenta i datu, yo intau mita in Yahudi in mopiabí in gina, nongosanang in gina bo norame. Nodapot in nobayong in intau kon tua in sinumuotdon nobaḻí intau in Yahudi, popisí in mosia in noondok kon bangusa tatua.

MAZMUR 71:13

Biódon mako in intau inta monubu kon inakó pokopooyáanmai bo yopúon. Biódon mako in intau inta moibog mopobodito kon inakó motoboḻingo bo ḻibutan in mokooyá.

MAZMUR 71:24

Kinoouput in singgai popotaaukubí in kooadil-Mu, sin intau mita inta moibog mopobodito kon inakó ain sinaḷow bo pinokopo oyámai.

IḶUAIAN 23:27

Bangusa mita inta angoion monimu baḻíon-Kudon moondok kon i-Nakó; mosia in potombaukon-Kudon; bayongan musungmu modait momurow bo moḷagui.

YESAYA 8:9

Poyosipundon takin urot, ei bayongan bangusa! Indongogaidon ei popod mita in butá! Posadiadon moparang, táe takin gina inta mourot! Oo, posadiadon, táe takin urot!

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.

YOSUA 2:9

bo noguman kon i monia, “Kinotaauankubí kon butá tanaa inogoidon i Tuhan kon i monimu. Bayongan in intau kon naa moondokdon kon i monimu.