Dá kon singgai in impuḷú botoḷúnea buḷan imitánea, ki Haman in nogoiní kon momomais mita i datu. Mosia in pinotabánea nomais kon surat podudui in bayongan inta pinarentanea, bo surat tatua in pinaisdon kon bonu in bayongan in singog inta pinaké kon dodatuan tatua. Surat tatua in pinais pinodoyon kon tangoi i Datu Ahasyweros bo cinapan in sisingnea, bo ḷagi pinoki dia kon pongawasa, kon gubernur bo intau moḷoben kon bayongan in propinsi. Tombonunea in parenta inta noguman kon tanggal in impuḷú botoḷúnea kon buḷan Adar, bayongan in bangusa Yahudi, pinomayá inta noguyang andeka inta noguod, pinomayá bobay andeka mongoadí, in mustibí ḻimodon diábí in taḻiban bo kapunyaan monia in gamáan.
ESTER 9:17 - Alkitab Singog In Mongondow Masa In Tanaa17 Tua in nobaḻí kon singgai impuḷú botoḷúnea kon buḷan in Adar. Singgai noiduduimai, kon singgai impuḷú boopatnea, mosia in diábí noḻimod kon tobatúmai in intau, táe noramebí kon singgai tatua takin ḷunganga in gina. Faic an caibideil |
ESTER 9:17
5 Iomraidhean Croise
Kon singgaipa doman tatua, inta kon singgai in doyowa nopuḷú bo toḷúnea, buḷan intoḷunea, buḷan Siwan, ki Mordekhai in nogoiní kon momais mita i datu bo nomarenta kon i monia nomais kon surat mita kon gubernur mita, kon bupati mita bo kon intau mita moḷoben inta kon 127 in propinsi, pinangkoi kon India noidapot in Sudan. Surat mita tatua in pinais kon bonu in singog bo pais in batúan propinsi mita tatua. Sia in nokidia doman in surat kon intau mita in Yahudi inta pinais kon bonu in singog bo pais in Yahudi.
Imbuitnea noiyaputdon in singgai impuḷú botoḷúnea buḷan in Adar, singgai inta ain sinantú kon popoaidan in parenta i datu kon intau mita in Yahudi. Singgai tatua in inoḷa-oḷatdon mako in musung mita in bangusa Yahudi sin mongawasa kon bangusa tatua. Táe noniata magí yo intaubí in Yahudi in nonaḷow kon i monia.
Sanasan