ESTER 9:15 - Alkitab Singog In Mongondow Masa In Tanaa

¹⁵ Dá kon singgai impuḷú bo opatnea kon buḷan in Adar, intau mita in Yahudi kon Susan in noyosipundon bui bo noḻimod kon 300 in intau kon kotá tatua. Bo tanaa in diábí doman in mosia nogagow.

ESTER 9:15 Iomraidhean Croise

ESTER 8:11

Surat mita tatua in noguman kon ki datu in nobogoi kon intau in Yahudi kon batúan in kotá sin motobatú bo moḷawang kon musung. Aka mosia bo tubuon in intau mita takin momaké in pakakat in parang nongkon bangusa bo propinsi in ondakabí, yo motaaubí in mosia moḷawang bo moḻimod kon intau mita inta monubu tatua takin ki buḷoi bo ki adínea mita; motaaubí in mosia moyopú kon musungnea mita modapot in modait bo poḷat mogagow kon kapunyaan in musungnea.

ESTER 9:12

Guman i Tuang datu kon Ratu Ester, “Tongá kon Susan intau mita in Yahudi ain nokoḻimod kon 500 in intau, noitakin doman in ki adí i Haman taya mopuḷú. Apa doman kon propinsi mita! Diádon kinotaauanku mongo onu in inaidan monia! Dá, onupa doman in igumonmu in tanaa? Pogumandon, notantúbí kon tarimaanmubí!”

ESTER 9:13

Ki Ester in notubag, “Aka mosanang in gina i Tuang, yo intau mita in Yahudi inta nogutun kon Susan naa ikoḷom doḷo-doḷom in buipa ogoi mogaid kon ná inta inaidan monia singgai in naa. Bo mayat mita i adí i Haman tua in popobambédon kon oigi pobobambéan mita.”

ESTER 9:14

Bo ki datu in nobogoi in parenta mogaid kon onu inta pinoigum i Ester; surat parenta kon kotá in Susan pinoḷuaidon bo mayat i adí i Haman taya mopuḷú tua in binambé.

ESTER 9:16

Intau mita in Yahudi inta nogutun kon propinsi mita in noyosipundon bo moḷawang kon musung monia. Mosia in nonaḷow kon musungnea bo nokoḻimod kon 75.000 in intau inta moyaat in gina kon i monia. Táe mosia in diábí nogagow.

ESTER 9:2

Kon batúan in kotá, intau mita in Yahudi noyosipun bo notobatú sin monayow kon intau mita inta nonomayá kon inta moraat kon i monia. Bangusa mita kon ondakabí nobaḻídon noondok kon i monia dá diádon in tobatúmai in mokobaḻí monayow kon i monia.

TESALONIKA 1 5:22

Bo mokopoyayú kon bayongan inta moraat.

IBRANI 13:5

Aka mobiag yo dikabí kawasaan in ibog kon doit, táe kosanangbí in momaké kon onu inta nouḻímu sin ki Allah nogumandon nanaa, “Akuoi in diábí mopomayá mako andeka monaḷámai kon inimu.”