ESTER 9:1 - Alkitab Singog In Mongondow Masa In Tanaa

¹ Imbuitnea noiyaputdon in singgai impuḷú botoḷúnea buḷan in Adar, singgai inta ain sinantú kon popoaidan in parenta i datu kon intau mita in Yahudi. Singgai tatua in inoḷa-oḷatdon mako in musung mita in bangusa Yahudi sin mongawasa kon bangusa tatua. Táe noniata magí yo intaubí in Yahudi in nonaḷow kon i monia.

ESTER 9:1 Iomraidhean Croise

SAMUEL 2 22:41

Binaḻímu in musungku mita noḷagui nongkon tayowonku; intau mita inta doí kon inakó iyopúku.

ESTER 3:7

Kon taong impuḷú bodoyowá kon pinomarentaan i Datu Ahasyweros, kon buḷan imitánea, inta buḷan Nisan, ki Haman in nopotabá mopogonik in undi inta sinangoi “purim” sin monotaau singgai bo buḷan táonda inta moyokaan in popobayáannea in tomayánea inta moraat tatua. Dá sinantúdon kon singgai impuḷú bo toḷúnea buḷan impuḷú bodoyowánea, tuata in buḷan Adar.

ESTER 8:12

Parenta tatua in mustibí aidan kon sinangkup in dodatuan Persia kon singgai inta ain sinantú i Haman kon moḻimod kon intau mita in Yahudi, kon singgai impuḷú botoḷúnea kon buḷan impuḷú bodoyowánea, buḷan in Adar.

ESTER 8:6

Diábí mopia in ginaku in mokoontong kon bangusa bo ginaḷum motoḷuadíku in modait ḻimodon!”

ESTER 9:17

Tua in nobaḻí kon singgai impuḷú botoḷúnea kon buḷan in Adar. Singgai noiduduimai, kon singgai impuḷú boopatnea, mosia in diábí noḻimod kon tobatúmai in intau, táe noramebí kon singgai tatua takin ḷunganga in gina.

MAZMUR 18:40

Inogoian-Mu in akuoi in ropot pakéon poparang, bo pinountung-Mu nongkon musungku mita.

MAZMUR 30:11

Indongogaipa, o Tuhan, bo kotabipa in akuoi. Tuhan tuḷungaipa kaasí in akuoi!”

OUMAN IN RASUL MITA 12:11

Bain nopaḷut mako kon tua bo kinotaauannea in onu inta bagupa nobaḻí kon inia, bo sia in noguman, “Tanaa mako in kinotaauankudon kon ki Tuhan in totu-totuubí nopotabá in malaekat-Nea moposaḷamat kon inakó nongkon kawasa i Herodes bo nongkon rupa-rupa inta moraat inta popoaid in intau in Yahudi kon inakó.”

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

WAHYU 11:18

Intau mita inta diá nonotaau kon i Tuhan, sinumorúdon sin aindon wakutunea Iko mopoḷuai in torú-Mu, bo aindon doman wakutunea Iko monantú kon intau mita minatoi. Naadon doman i wakutunea mobogoi kon boḻi in pinogaidan in intau mita inta nogaid kon oaidan i Allah, bo in nabi mita, bo kon bayongan in umat, tuata in mosia inta noibada kon ini-Mu, adí ande itoi. Naadon i wakutunea morimumud kon intau mita inta nomoguyaat kon dunia naa!”