ESTER 8:9 - Alkitab Singog In Mongondow Masa In Tanaa

⁹ Kon singgaipa doman tatua, inta kon singgai in doyowa nopuḷú bo toḷúnea, buḷan intoḷunea, buḷan Siwan, ki Mordekhai in nogoiní kon momais mita i datu bo nomarenta kon i monia nomais kon surat mita kon gubernur mita, kon bupati mita bo kon intau mita moḷoben inta kon 127 in propinsi, pinangkoi kon India noidapot in Sudan. Surat mita tatua in pinais kon bonu in singog bo pais in batúan propinsi mita tatua. Sia in nokidia doman in surat kon intau mita in Yahudi inta pinais kon bonu in singog bo pais in Yahudi.

ESTER 8:9 Iomraidhean Croise

DATU MITA 2 18:26

Bo ki Elyakim, ki Sebna, bo ki Yoah in noguman kon porwira tatua, “Tuang, tumonsingogdon in Aram aka moyosingog nami, komangaḻeanbí nami. Dika momaké in tosingogon in Ibrani, sin komangaḻeandon in rayat inta kon tudu in dinding kotá tatua.”

TAWARIKH 2 15:10

noyosipun kon Yerusalem. Dá noyosipundon in mosia kon buḷan nogintoḷu kon taong impuḷú boḻimanea kon pinomarentaan i Asa.

ESTER 1:1

Kon Susan, ibukotá in Persia, ki Ahasyweros in nomarenta saḷaku datu. Dodatuan nea in 127 nopropinsi, pinangkoi kon India nodapot kon Sudan.

ESTER 1:22

Sia in nokidia in surat parenta kon bayongan in propinsi in dodatuan, kon bonu in tosingogon bo pais kon batúan in propinsi. Parenta tatua in noguman kon bonu in batúan motoḷuadí, buḷoibí ḷoḷaki in musti mobaḻí tongguḷu, bo inta patus momontow kon tosingogon.

ESTER 10:1

Ki Datu Ahasyweros in nomakisa kon intau mita mogaid, deemanbí tongá kon rayat inta nogutun kon bingkí in pintad inta kon bonu in dodatuan nea, táe kon butábí doman mita inta nongoyayú kon pintad.

DANIEL 4:1

Naadon in palakat i Datu Nebukadnezar inta pinoki dianea kon intau mita nongkon bayongan in bangusa, inanakan bo singog kon sinangkub in dunia: “Salam kobiagan motompia!

DANIEL 6:1

Naonda in ki Belsyazar kinoḻimodan, ki Darius intau in Media nogagow kon dodatuan. Kon dodai intua sia umurdon onom nopuḷú bodoyowá notaong.

DANIEL 6:25

Onda intua ki datu nomarenta kon intau sinbá modomok kon intau mita inta ain nopongadu kon i Daniel. Bo mosia takin ki adí mita bo ki buḷoi mita monia pinogonag kon bonu in angob in singa tatua. Diápa nodapot in mosia kon apad in angob tatua, singa mita tatua ain nodomok kon i monia poḷat nomutuk kon tuḷan mita monia.