ESTER 8:6 - Alkitab Singog In Mongondow Masa In Tanaa

⁶ Diábí mopia in ginaku in mokoontong kon bangusa bo ginaḷum motoḷuadíku in modait ḻimodon!”

ESTER 8:6 Iomraidhean Croise

KINOBAḺIAN 44:34

Naondabí in pobobuiku aka ki ai-ai nami tua diá kotaki-takin nami? Akuoi in diábí mokotahang mokoontong kon bodito inta moiantug kon i amá nami tua.”

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

ESTER 7:4

Sin bobantung bo bangusa in bobantung naa in pinotaḷuidon sin ḻimodon. Aka kuma bo kami naa in tongábí pinotaḷui sin baḻíon ata, dá tongábí in bobantung naa kibio-biómai bo diábí monuyayow kon i Tuang. Táe tanaa in kami ḻimodon bo putúan!”

ESTER 9:1

Imbuitnea noiyaputdon in singgai impuḷú botoḷúnea buḷan in Adar, singgai inta ain sinantú kon popoaidan in parenta i datu kon intau mita in Yahudi. Singgai tatua in inoḷa-oḷatdon mako in musung mita in bangusa Yahudi sin mongawasa kon bangusa tatua. Táe noniata magí yo intaubí in Yahudi in nonaḷow kon i monia.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.