ESTER 8:2 - Alkitab Singog In Mongondow Masa In Tanaa

² Ki datu in noḷongkut kon sisingnea inta ain ginamánea bui kon i Haman bo inogoinea kon i Mordekhai. Bo ki Ester in noduí kon i Mordekhai nobaḻí intau inta kitogi totaau kon kapunyaan i Haman.

ESTER 8:2 Iomraidhean Croise

ESTER 10:2

Bayongan in aidnea inta moḷoben bo inta motoyang, bo ouman doman inta notompod kon soaḷ naonda in sia noduí kon i Mordekhai nobaḻí pojabat inta moḷantud, in pinais kon bonu in buk ouman in datu mita in Persia bo Media.

ESTER 3:10

Nokodongogmai kon tua, ki datu in norabut kon sisingnea nongkon gongguyamúnea inta kopake-pakénea sin mocap kon pongumuman mita inta sinotaaunea, bo inogoinea kon i Haman, musung moḷoben in bangusa Yahudi.

ESTER 8:3

Nopaḷut mako kon tua ki Ester bui namangoi kon tayowon i datu. Sinumungkud in sia takin koomba-ombaḷ bo nopoigum kon i datu monginggamá kon tomayá moraat inta inaidan i Haman kon intau in Yahudi.

MAZMUR 37:34

Pongamangdon kon i Tuhan bo duduiaidon in parenta-Nea, dá duíon-Neabí in iko sin mogabat kon butá tatua; iko in mokoontongbí kon poyopúan in intau moraat.

DANIEL 2:48

Onda intua ki Daniel inogoiannea in ḷoḻitúan inta moḷantud, sinotabiannea in tombuinag mobayong inta mongogaga, bo dinuínea nobaḻí gubernur in Babel, bo binaḻínea itoi inta totok in moḷantud kon bayongan in monononggina in komaḻig.

LUKAS 15:22

Táe ki amánea nogoiní kon simpaḷnea mita bo noguman, ‘Koḻikat! Podiaaipa mangoi kon ḷambung inta totok in nopira bo popopaké kon inia. Popopakéai doman in sising kon gongguyamúnea bo ḷutudai domandon in sapatu.