ESTER 8:13 - Alkitab Singog In Mongondow Masa In Tanaa

¹³ Surat parenta tatua in mustibí poḷuaion nobaḻí undang-undang bo potaau kon bayongan in intau kon sinangkup in propinsi sinbá bangusa in Yahudi in mosadiadon moḷawang kon musungnea aka kon singgaineadon.

ESTER 8:13 Iomraidhean Croise

ESTER 3:14

Parenta tatua in mustibí popotaau kon batúan in propinsi sinbá bayongan in intau in mosadiadon kon singgai inta ain sinantú tatua.

ESTER 8:14

Dá nobuatdon in totabá mita tatua sinumakoi kon kabaḷo mita i datu. Kon Susan ibukotá in negara, binaca doman in parenta tatua.

MAZMUR 68:23

Guman i Tuhan, “Ei umat-Ku, dinia-Ku in musungmu nongkon Basan dinia-Ku in mosia nobui nongkon apad in dagat,

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

HAKIM MITA 16:28

Kon dodai intua ki Simson nosambayang; Kai nia, “O, Tuhan Inta Totok in Moḷantud, toropa kaasí in akuoi naa. Ogoiaipa bui akuoi in ropot tongákadon komintan naa, o Allah, sinbá takin aidku tanaa mokotuḻí in akuoi kon aid in intau in Pilistin inta ain nonurak kon batoḷ in mataku doyowa naa.”