ESTER 7:8 - Alkitab Singog In Mongondow Masa In Tanaa

⁸ Takin kinobuḻian in kamang ki Haman inumuḻid kon ḷoḻitúan i Ester sin mopoigum in ampung, táe noitongkanádon kon tua ki datu namangoidon bui nongkon taman in komaḻig. Nokoontongmai kon aid i Haman natua, ki datu in nomaḷú, “Onu? Mokobaḻípa doman in sia modomok kon i bokí kon naa, kon tayowonku bo kon komaḻigku tontaní?” Dá naonda in tosingogon mita tatua siningog i datu, pojabat mita in namangoi bo nongoḷubung kon uḷu i Haman.

ESTER 7:8 Iomraidhean Croise

ESTER 1:5

Nopaḷut mako kon tua pinomiaan i datu in rayat kon Susan in rame bui, pinomayá mosia inta nobiag nooyúon andeka inta nobogá. Rame tatua in todiminggu in koonggotnea bo inaidan kon taman kon komaḻig in datu.

ESTER 1:6

Palas in komaḻig iḷambáan in toipoi nongkon kaeng lenan nobidu bo nobudó, sinogot in tontogot lenan moaḷus bo pinopogaboḷ kon ḻingkit mita saḷaka inta pinopoḷutud kon oigi mita marmar. Kon ḻimonagnea inukatan in bangko moḷanggó moompá inta nongkon buḷawan bo saḷaka kon tudu in taḷog inta iḷambáan in marmar nobudó, kristal nopura, kuḻit in mutiara inta mopouḻi-uḻinag bo batu pirus nobidu.

ESTER 6:12

Nopaḷut mako kon tua ki Mordekhai nobui kon bonawang in komaḻig. Táe ki Haman in iḻimikat nobui. Doí in sia indoian in intau sin nooyá totok in sia, dá inoḻingoianneadon in pogotnea.

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

AYUB 9:24

Dunia in inogoi i Allah kon inta mongoraat, bo hakim mita binilogan-Neadon komintan. Ki Allah in nogaid kon bayongan tanaa, aka deeman Sia, yo ki inepa?

YESAYA 22:17

Oḷatka, ḷumbúon-Ku in iko koyayúon. Iko in tagangan-Ku bo ḻitodon-Ku bo ḻitoion-Ku ná bal pobayá ná ḻipú inta moḷoben. Kon tua iko in matoi kon diug in kereta mita inta pongatamumai. Iko in noporomúmaidon kon tangoi in motoḷuadí i tuangmu.

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

AMOS 3:12

Naonda bo gombala tobatú inta tongádon nokouḻí bui kon doyowa nosimpaḷ in sioḷ andeka bongoḷan tobatú in dombanea inta ain dinomok in singa, natua doman tongábí topiḻik in kotaḷáan in intau in Samaria inta tanaa pia-pia mako in mosiug kon tosiugannea inta mopia.”

MARKUS 14:65

Bo tongonumai intau nomangkoidon nonduyá kon i Yesus. Pinomponan monia i mata-Nea bo binongkug, nopaḷut mako bo moḻibó, “Pogumanka, ki ine in nomongkug kon ini-Mu?” Tontara mita moḷoḷukad nonokap doman kon i-Nia.