ESTER 7:7 - Alkitab Singog In Mongondow Masa In Tanaa

⁷ Sinumorú totok in ki datu, bo sinimindog nonaḷámai kon meja bo baḷú iḻumuai, minayá in taman komaḻig. Kinotaauandon i Haman kon ki datu in nomontowdon kon tosingogon kon mohukum kon inia, tuamai in sia diábí nonaḷámai kon i Ratu Ester bo totok in mopoigum sinbá posaḷamaton.

ESTER 7:7 Iomraidhean Croise

ESTER 1:12

Táe naonda in bobantung mita tatua nopotaau in parenta i datu kon i Bokí Wasti, ki bokí in doíbí namangoi, dá sinumorúdon totok in ki datu.

ESTER 1:5

Nopaḷut mako kon tua pinomiaan i datu in rayat kon Susan in rame bui, pinomayá mosia inta nobiag nooyúon andeka inta nobogá. Rame tatua in todiminggu in koonggotnea bo inaidan kon taman kon komaḻig in datu.

ESTER 7:10

Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

AMSAL 14:19

Intau moraat in tumungkudbí kon intau inta motuḻid in gina, sin mopoigum sinbá totabionpa.

AMSAL 14:35

Mopiabí in gina i datu kon pogawai inta mopandoi; táe torúanneabí in pogawai inta diá motaau mogaid kon oaidannea.

AMSAL 16:14

Torú in datu in naonda bo habar hukuman matoi; intau inta mobijaksana moḷongasi mopoonow kon inia!

AMSAL 19:12

Torú in datu naonda bo ganggor in singa; kopopia in datu naonda bo oḷú inta momobat kon mobobiag mita.

YESAYA 60:14

Adí mita in intau mita inta nondorot kon inimu in mamangoibí tumungkud, inta nokoimontandon noningkuḻe kon inimu in mohoromatbí, iko in tangoionbí ‘Kotá in Tuhan’, ‘Sion, Kotá i Allah Mokudus in Israel’.

DANIEL 3:19

Dá sinumagabdon in torú i Datu Nebukadnezar kon i Sadrakh, Mesakh bo kon i Abednego, dá inumuradon totok in pogotnea. Sia in nomarenta sinbá tuḷú dugangan kopitu in kopatúnea nongkon inta biasamai.

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.

SAMUEL 1 20:7

Aka ki datu moguman, ‘Mopiadon,’ dá moaman in akuoi, táe aka ki datu tumorú, dá pokotaaudon kon ki datu in nomontowdon kon tosingogon kon mopobodito kon inakó.

SAMUEL 1 20:9

Tubag i Yonatan, “Dika moondok! Aka kotaauanku kon notantúdon kon ki amáku in moniatdon totuu kon mopobodito kon inimu, yo notantúbí kon potaauku kon inimu.”

SAMUEL 1 25:17

Manangka intua, raidon kopia in soaḷ tanaa, bo tantúdon onu inta motaau pomiaan i Iná. Sin notantú bidon kon moiangoibí in tontuḻí kon i tuang naton bo kon bayongan in motoḷuadínea. Ki Tuang naton in totuu motontogat in gina modapot in sia diá motaau anutan mongonguman!”