ESTER 7:6 - Alkitab Singog In Mongondow Masa In Tanaa

⁶ Ki Ester in notubag, “Ki Haman inta moraat tanaa in musung bo inta momogutú kon inami!” Takin noondok totok ki Haman inimindoi kon i datu bo kon i bokí.

ESTER 7:6 Iomraidhean Croise

NEHEMIA 6:16

Naonda in musung mita nami kon sigad in bangusa mita kon diugmai tua nokodongog kon tua, nooyá in mosia sin kinotaauandon monia kon oaidan tatua in inaidanbí pinodoyon kon totuḷung i Allah.

ESTER 3:10

Nokodongogmai kon tua, ki datu in norabut kon sisingnea nongkon gongguyamúnea inta kopake-pakénea sin mocap kon pongumuman mita inta sinotaaunea, bo inogoinea kon i Haman, musung moḷoben in bangusa Yahudi.

ESTER 7:5

Bo noḻibódon in ki Datu Ahasyweros kon i Bokí Ester, “Ki ine in mokobaḻí momia kon natua? Kon onda in intau tatua?”

ESTER 8:1

Kon singgai tatua ki Datu Ahasyweros nobogoi kon i Ratu Ester in bayongan kapunyaan i Haman, musung moḷoben in intau Yahudi tatua. Ki Ester in nopotaau kon i datu kon ki Mordekhai in ki adí in doyowa mogutatnea, dá pinangkoi kon dodai intua ki Mordekhai in inogoidon mamangoi kon tayowon i datu umpakabí diá oiníon muna.

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

AMSAL 16:14

Torú in datu in naonda bo habar hukuman matoi; intau inta mobijaksana moḷongasi mopoonow kon inia!

MOHOHUTUBA 5:8

Modapot in kobiagan i datu noitogotbí kon bungai in boyó.

YESAYA 21:4

Moḻia-ḻiaw in ginaku; porasaan moondok nokourot kon awakku. Doḷom inta kinotanobanku tongá nokopoangoi kon ondok.

TESALONIKA 2 2:8

bain tua bo koontongandon in intau moraat tatua. Sahingga in aka ki Tuhan Yesus mamangoi yo ḻimodon-Nea in intau moraat tatua takin tompot inta pogirup-Nea, bo yoyangon-Nea wakutu in Sia mamangoi takin kamuliaan-Nea.

SAMUEL 1 24:13

Poigumon mako ki Tuhandon in monantú mongo ki ine in kotaḷá in kitada! Igumon mako ki Tuhandon in motuḻí kon aid i Tuang kon inakó, tongá topiḻikmai akuoi in doíbí mopororiga kon i Tuang Datu.