ESTER 7:10 - Alkitab Singog In Mongondow Masa In Tanaa

¹⁰ Natuata in nobaḻí ki Haman pinobambé kon oigi inta ain pinosindognea kon i Mordekhai. Nopaḷut mako kon tua noinggamádon in torú i datu.

ESTER 7:10 Iomraidhean Croise

KINOBAḺIAN 40:22

Táe inta mopoposadia kon kaanonnea ihukum dapot in minatoi. Tua komintan in nobaḻí notongkai ná inta ain pinoguman i Yusup.

ESTER 2:1

Diá noonggot nongkon tua, umpaka ki datu in diádon sinumorú, táe umuranpabí kon bonu in raiannea in aid i Bokí Wasti bontow in tosingogon inta ain pinoḷabú kon inia.

ESTER 5:14

Nokodongogmai kon tua ki buḷoinea bo bayongan in totakinnea noguman, “Pokiaidaidon in oigi pobambéan inta koḷantudnea in doyowa nopuḷú bodoyowá nometer. Bo mopoikoḷomai, doḷo-doḷom poigumdon kon i datu mobambé kon i Mordekhai kon oigi tatua. Dá motaaudon in iko mayá kon bobutungan tatua takin pia in gina.” Aka kon i Haman yo mopiabí totok in tosingogon tatua, tuamai in ḷagidon sia nokiaid in oigi pogantongan tatua.

ESTER 7:7

Sinumorú totok in ki datu, bo sinimindog nonaḷámai kon meja bo baḷú iḻumuai, minayá in taman komaḻig. Kinotaauandon i Haman kon ki datu in nomontowdon kon tosingogon kon mohukum kon inia, tuamai in sia diábí nonaḷámai kon i Ratu Ester bo totok in mopoigum sinbá posaḷamaton.

ESTER 7:8

Takin kinobuḻian in kamang ki Haman inumuḻid kon ḷoḻitúan i Ester sin mopoigum in ampung, táe noitongkanádon kon tua ki datu namangoidon bui nongkon taman in komaḻig. Nokoontongmai kon aid i Haman natua, ki datu in nomaḷú, “Onu? Mokobaḻípa doman in sia modomok kon i bokí kon naa, kon tayowonku bo kon komaḻigku tontaní?” Dá naonda in tosingogon mita tatua siningog i datu, pojabat mita in namangoi bo nongoḷubung kon uḷu i Haman.

ESTER 8:7

Dá guman i Datu Ahasyweros kon i Bokí Ester bo kon i Mordekhai, “Totuu, ki Haman in binambékudon sin sia in moibog momutú kon intau in Yahudi, bo kapunyaannea in inogoikudon kon i Ester.

ESTER 9:14

Bo ki datu in nobogoi in parenta mogaid kon onu inta pinoigum i Ester; surat parenta kon kotá in Susan pinoḷuaidon bo mayat i adí i Haman taya mopuḷú tua in binambé.

ESTER 9:25

Táe ki Ester in minayá kon tayowon i datu, bo ki datu in nobogoi in parenta pinais inta nokopopisí kon tomayá moraat inta inaidan i Haman in bui noiuma kon inia tontaní, dá sia bo ki adínea mita in pinopobambé kon oigi pobobambéan.

AYUB 18:8

Sia in mopobayá ná pukot dá noitokigdon in sioḷnea.

AYUB 20:8

Sia in mobuḻi naonda bo oḻinow in togoindop, moinggamá naonda bo oontongon kon dodai in doḷom.

MAZMUR 37:15

Táe intau moraat in kotumbukanbí in kedangnea tontaní, puḷu in piot monia in putoḷonbí.

MAZMUR 7:16

Sia in mongaḻi kon bubú koḷabúan in intau ibanea, táe siabí tontaní in moibonu kon tua.

MAZMUR 94:23

Sia in mohukum kon intau moraat podudui in aidnea inta moraat, bo nomompon kon bibig monia popisí in dosanea. Ki Tuhan Allah naton in momomponbí kon i monia.

AMSAL 11:27

Ki ine in morajing mogaid kon inta mopia kinosanang in intau; ki ine in motayak kon inta moraat, in koantuganbí in roriga.

AMSAL 11:8

Intau mobanar in moisimparutbí kon roriga; intau moraat in moyodungkuḷbí in tongkuḷabot.

AMSAL 26:27

Ki ine in mongaḻi kon bubú sin poniat kon intau ibanea, yo siabí tontaní in moḷabú kon bonunea. Ki ine in moḻiḻid kon batu sinbá moidantug kon intau ibanea, yo siabí tontaní in kodantugan in batu tatua.

YEHEZKIEL 5:13

Korasaanmubí in koḷoḷoben in torú bo pomomatoi-Ku modapot in moorop in Akuoi. Naonda intua mita mobaḻí, moyakin bidon in iko kon Akuoi, ki Tuhan, ain noguman kon inimu popisí in torú-Ku kon aidmu inta diá motoindudui.

DANIEL 6:24

Totok in nopia in gina i datu bo pinarentaneadon sinbá ki Daniel in poḷuaiondon kon angob tatua. Naonda in inaidandon in parenta tatua, noniata magí yo diábí in kekeb topiḻikmai kon i Daniel, sin sia in nopirisaya kon i Allahnea.

DANIEL 6:25

Onda intua ki datu nomarenta kon intau sinbá modomok kon intau mita inta ain nopongadu kon i Daniel. Bo mosia takin ki adí mita bo ki buḷoi mita monia pinogonag kon bonu in angob in singa tatua. Diápa nodapot in mosia kon apad in angob tatua, singa mita tatua ain nodomok kon i monia poḷat nomutuk kon tuḷan mita monia.

ZAKHARIA 6:8

Onda intua malaekat tatua noguman kon inakó, “Kabaḷo inta minayá in Babel tatua in nopoonow kon torú i Tuhan.”

HAKIM MITA 15:7

Bo ki Simson noguman kon intau mita in Pilistin tatua, “O, degá natuabí in pomomaḷut monimu kon tua? Akuoi in mongibotbí kon diábí in akuoi tongá kibio-biómai aka diápa monuḻí kon oaid monimu tatua!”