ESTER 6:6 - Alkitab Singog In Mongondow Masa In Tanaa

⁶ Naonda in ki Haman sinumuot, ki datu in noguman, “Oyúon in intau in ogoianku in kahoromatan moḷoben. Onu in aidanku kon inia?” Kon raian i Haman, “Ki inepabí in ogoian in kahoromatan moḷoben tua i datu? Notantú bidon kon akuoi!”

ESTER 6:6 Iomraidhean Croise

ESTER 1:15

Guman i datu kon i nayapitu tatua, “Akuoi in nopotabádon kon bobantungku mita minayá kon i Bokí Wasti sin mogoiní kon inia mamangoi kon inakó. Táe doíbí in sia. Podudui in hukum, onu in pomiaan naton kon inia?”

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

ESTER 6:11

Bo ki Haman in nogamá kon ḷambung bo kabaḷo tatua bo nopopaké kon i Mordekhai. Naonda in ki Mordekhai sinumakoi kon kabaḷo tatua, dinia i Haman in sia pinoḻibu kon rawang in kotá, sindaḷan momaḷú, “Indoiai, nanaa in aid i datu mobogoi in ponghargaan kon intau inta ihoromatnea!”

ESTER 6:5

Bobantung mita tatua in notubag kon i datu, “Ki Haman in kon komaḻig bo moibog in sia mamangoi kon tayowon i Tuang.” “Potabádon in sia tumuot,” guman i datu.

ESTER 6:7

Tuamai in sia notubag, “Pogamáaidon in intau tatua kon ḷambung intau moḷoben inta biasamai pakéon i Tuang tontaní. Bo kabaḷo i Tuang in ḷambáan in lambang mita in dodatuan.

ESTER 6:9

Intau moḷoben kon negara nongkon golongan in intau moḷoben in musti mopoḷutud in ḷambung tatua kon intau inta horomaton i Tuang tua, bo tumakin kon intau tatua kotako-takoi kon kabaḷo i Tuang mongin rawang in kotá. Intau moḷoben tatua in mayá kon munanea sindaḷan momaḷú, ‘Nanaa in aid i datu mobogoi in ponghargaan kon intau inta ihoromatnea!’ ”

MAZMUR 35:27

Igumon mako intau inta moibog moindoimai kon inakó in ogoi in monggiow bo mopoḷunganga in gina. Igumon mako mopobui-buimai in mosia in moguman, “Totuubí kon moḷantud totok in ki Tuhan! Ibogon-Nea sinbá mosaḷamatbí in mogogundoi-Nea!”

AMSAL 1:32

Intau inta diá kopongalaman in matoibí popisí in doí motarima kon inakó, bo intau inta bodok in morimumudbí popisí in doí mopandungmai kon inakó.

AMSAL 16:18

Aid moḷoḷatú mokopopisí kon korimumudan; mododia mokopopisí kon korumbunan.

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 30:13

Oyúon in intau in dumuí kon mopia totok in sia – nádomai tua in kopopianea!

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

YEREMIA 32:41

Mopiabí in gina-Ku in mopoaid kon inta mopia kon i monia, bo mopobaḻí kon i monia mogutun motantú kon butá tanaa modapot in mononoi.

OBAJA 1:3

Iko in koakaḷan in ginamu inta mododia. Ki iná in kotámu in buḷud batu inta moropot; pogogutunanmu in kon tudu in buḷud inta moḷantud. Sin kon raian monimu, ‘Ki ine in mokopoḷabú kon i nakó?’

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

LUKAS 14:9

sahingga in ki togi baḷoi inta ain nogoiní kon i monimu in mamangoi bo moguman kon inimu nanaa, ‘Maap uḻe, tampat tanaa aindon sinadiaku ḻitúan in intau tatua.’ Dá takin oyá moḷoben iko momamping bo mayá in tampat inta kon tumi totok.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.