ESTER 6:4 - Alkitab Singog In Mongondow Masa In Tanaa

⁴ Bo ki datu in noguman, “Ki ine in pogawaiku kon komaḻig in tanaa mako?” Noikoḷatbí in ki Haman bagupa sinumuot kon palas in komaḻig; sia in mamangoi mopoigum kon i datu sinbá ki Mordekhai in popobambédon kon oigi inta ain pinosindog tatua.

ESTER 6:4 Iomraidhean Croise

ESTER 4:11

“Komintan intau, pinomayá ḷoḷaki andeka bobay, inta aka diá inoiní, bo mamangoi kon tayowon i datu kon palas kon bonu in komaḻig, in mustibí hukumon matoi. Tua in nobaḻí undang-undang bo bayongan in intau pinangkoi kon monononggina i datu nodapot kon rayat kon bayongan in propinsi, nonotaaubí kon tua. Tongábí tobatú in daḷan sinbá moisimparut nongkon undang-undang tatua, tuata in aka ki datu mopotundú in tungkudnea buḷawan kon intau tatua. Aka tua bo mobaḻí, yo mosaḷamat in sia. Táe ain tobuḷan naa diá in akuoi inoiní i datu.”

ESTER 5:1

Kon singgai intoḷunea kon pinopuasaannea, ki Ester in nogiḷambung in ḷambung bokí, bo minayá in palas kon bonu in komaḻig bo sinimindog kon tayowon in ngara in bobakidan. Ki Datu in ḻimitú mako kon ḷoḻitúannea sinumayow in ngara tatua.

ESTER 5:14

Nokodongogmai kon tua ki buḷoinea bo bayongan in totakinnea noguman, “Pokiaidaidon in oigi pobambéan inta koḷantudnea in doyowa nopuḷú bodoyowá nometer. Bo mopoikoḷomai, doḷo-doḷom poigumdon kon i datu mobambé kon i Mordekhai kon oigi tatua. Dá motaaudon in iko mayá kon bobutungan tatua takin pia in gina.” Aka kon i Haman yo mopiabí totok in tosingogon tatua, tuamai in ḷagidon sia nokiaid in oigi pogantongan tatua.

ESTER 6:3

Ki datu in noḻibó, “Horomat bo tontuḻí onu inta ain inogoi kon i Mordekhai tua?” Bobantung mita tatua in notubag, “Diábí in sia notarima kon onu bo onu.”

ESTER 6:5

Bobantung mita tatua in notubag kon i datu, “Ki Haman in kon komaḻig bo moibog in sia mamangoi kon tayowon i Tuang.” “Potabádon in sia tumuot,” guman i datu.

ESTER 7:9

Bo guman i Harbona, intau tobatú kon sigad in pojabat mita tatua, “Tuang, kon diug in baḷoi Haman oyúon in oigi pobobambéan koḷantudnea in doyowa nopuḷú bo doyowa nometer. Tua in pinosindogdon i Haman sin popobambéan kon i Mordekhai, intau inta ain noposaḷamat kon kobiagan i Tuang.” Bo ki datu in nomarenta, “Pobambédon in ki Haman kon oigi tatua!”

MAZMUR 2:4

Nongkon ḷoḻitúan pomomarentaan-Nea kon soroga ki Tuhan kinomosing bo moningkuḻe kon tomayá monia.

MAZMUR 33:19

Sia in noposaḷamat kon i monia nongkon popatoi, bo nomiag kon i monia kon tungkuḷ in ginogoi.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.